Türkmeniň nusgalyk alabaýy

Esaslandyryjysy: Halkara "Türkmen alabaý itleri" assosiasiýasy
Salgysy: Aşgabat şäheri, Bitarap Türkmenistan şaýoly 553/2 jaýy.
Telefon belgileri: 39-00-72

Gazeti PDF görnüşinde ýükläp almak

Habarlar

Ýeňil atletikanyň ussatlary

Ak bugdaý etrabyndaky ýöriteleşdirilen 27-nji orta mekdebiň sport meýdançasynda «Türkmenistan — ruhubelentligiň we sagdynlygyň ýurdy» atly XIV spartakiadanyň çäginde ýeňil atletika boýunça ýaryşyň etrap tapgyry geçirildi. Ýaşlaryň berk bedenli, sagdyn ruhly bolup ýetişmegini gazanmak, sport ussatlygyny ýokarlandyrmak hem-de güýçlüleri ýüze çykarmak maksady bilen geçirilen ýaryşy «Türkmenistan» Ýaşlar bedenterbiýe-sport guramasynyň welaýat bölümi, etrap bilim bölümi hem-de jemgyýetçilik guramalary bilelikde gurady. Ýaryş mekdep okuwçylarynda sporta höwesiň ýokarydygyna göz ýetirmäge mümkinçilik berdi. Gyzykly geçen ýaryşyň netijesinde okuwçy oglanlaryň arasynda etrapdaky 1-nji orta mekdebiň topary birinji, 16-njy orta mekdebiň topary ikinji, 4-nji orta mekdebiň topary üçünji orna mynasyp boldy. Okuwçy gyzlaryň arasynda hem 1-nji, 16-njy, 4-nji orta mekdepleriň toparlary baýrakly birinji, ikinji, üçünji ýerleri eýeledi.

16 Oktýabr 2024

Sport

Arkadag şäheriniň «Arkadag» toparynyň ikinji çempionlygy

Futbol Ýurdumyzyň milli futbol çempionatynyň 28-nji tapgyrynyň bir duşuşygy möhletinden öň geçirilip, onda Balkanabat şäheriniň «Nebitçisi» myhmançylykda Arkadag şäheriniň «Arkadag» topary bilen duşuşdy. Ýer eýeleriniň doly artykmaçlygynda geçen oýnuň netijesi boýunça olar bassyr ikinji gezek ýurdumyzyň çempiony bolmagy başardylar.

16 Oktýabr 2024

Sport

Ýaryş güýçli toparlary saýlady

«Türkmenistan — ruhubelentligiň we sagdynlygyň ýurdy» atly XIV spartakiadanyň çägindäki ýaryşlar Gökdepe etrabynda guramaçylykly ýagdaýda geçirilýär. Etrapdaky 14-nji orta mekdebiň sport meýdançasynda ýeňil atletika boýunça geçirilen ýaryş has uly gyzyklanma eýe boldy. Etrapdaky orta mekdeplerden gelen okuwçy oglan-gyzlar ýaryşa höwesli gatnaşyp, ukyp-başarnyklaryny görkezdiler. «Türkmenistan» Ýaşlar bedenterbiýe-sport guramasynyň welaýat bölüminiň, etrap bilim bölüminin hem-de ylym we bilim işgärleriniň kärdeşler arkalaşygynyň etrap Geňeşiniň bilelikde guramagynda geçen ýaryş güýçli toparlary ýüze çykardy. Şeýlelikde

16 Oktýabr 2024

Sport

Ýaş çempionlaryň mekdebi

Sport we sagdyn durmuş ýörelgeleri adamlara, aýratyn hem, ýaşlara öz mümkinçiliklerini doly açmaga ýardam berýär. Garaşsyzlyk ýyllarynda bina edilen welaýat bedenterbiýe we sport baradaky Baş müdirliginiň Mary şäherinde ýerleşýän 4-nji sport mekdebi indi on ýyldan bäri sebitiň sport janköýerlerine we bagtyýar ýaşaýjylaryna hyzmat edip gelýär. Beýleki ugurdaş binalarda bolşy ýaly, bu ýerde hem sportuň dürli görnüşleri boýunça türgenlere tälim berilýär. Türkmenistanyň Taekwondo ITF merkeziniň Mary welaýatyndaky Taekwondo ITF bölümi-de şu sport mekdebinde ýerleşýär. 4-nji sport mekdebiniň tälimçisi Aýdogdy Atabaýew, Taekwondo ITF merkeziniň welaýat bölüminiň başlygy Bäşimgeldi Şirmämmedow ýaşlary sporta çekmek, olaryň çempion diýen belent ada eýe bolmagy ugrunda irginsiz aladalanýarlar. Häzirki wagtda ady agzalan bölümde sportuň taekwondo ITF görnüşi bilen gyzyklanýanlaryň sany 500-den geçýär. Olaryň hatarynda türkmen sportunyň abraýyny ýokary galdyrýan dünýä çempionlarynyň, bu ýerde türgenleşýän ýaş türgenleriň agramly böleginiň umumybilim berýän orta mekdepleriň okuwçylarynyň bolmagy has-da buýsandyrýar. Türgenleriň köpüsi etrap, şäher, welaýat we ýurt derejesinde geçirilýän ýaryşlara gatnaşyp, baýrakly orunlary eýeleýärler. Olaryň birnäçesi halkara ýaryşlarda-da oňat netijeleri görkezýärler.

16 Oktýabr 2024

Sport

Spartakiadanyň çäginde

«Türkmenistan — ruhubelentligiň we sagdynlygyň ýurdy» atly XIV spartakiadanyň çäginde sportuň stol üstündäki tennis görnüşi boýunça ýaryşyň Ak bugdaý etrap tapgyry guramaçylykly geçdi. Etrapdaky ýöriteleşdirilen 46-njy orta mekdebiň sport zalynda geçen ýaryşa mekdeplerden gelen toparlaryň birnäçesi gatnaşdy. «Türkmenistan» Ýaşlar bedenterbiýe-sport guramasynyň welaýat bölümi, etrap bilim bölümi hem-de jemgyýetçilik guramalary tarapyndan guralan ýaryş çekeleşikli geçip, onuň netijesinde güýçli toparlar öňe saýlandy. Şeýlelikde, etrapdaky 16-njy orta mekdebiň okuwçylary toparlaýyn birinji, 1-nji orta mekdebiň topary ikinji, ýöriteleşdirilen 45-nji orta mekdebiň okuwçylary üçünji orunlary eýelediler.

15 Oktýabr 2024

Sport

Woleýbol ýaryşy geçirildi

Mekdebimizde talyplarymyzyň öwrenýän hünärlerinden, okuw işlerinden daşary sport bilen ýakyndan meşgullanmaklary üçin hem giň mümkinçilikler döredilýär. Şunda talyplaryň arasynda sportuň dürli görnüşi boýunça ýygy-ýygydan geçirilýän ýaryşlar uly ähmiýete eýedir. Ýakynda mekdebimizde bilim alýan talyp gyzlaryň arasynda woleýbol boýunça ýaryş geçirildi. Oňa birinji we ikinji ýyl talyp gyzlardan düzülen toparlaryň 10-a golaýy gatnaşdy. Bir hepdeläp dowam eden ýaryşlaryň netijesinde iň güýçli toparlar ýüze çykaryldy. Şeýle hem ýaryş mekdebimiziň zenanlar ýygyndysyny düzmäge mümkinçilik berdi. Bu ýygyndy topar ýurdumyzyň orta hünär okuw mekdepleriniň arasynda geçiriljek spartakiadada biziň mekdebimize wekilçilik eder. Ýaryşyň Türkmenabat şäher tapgyryny şu aýda geçirmek meýilleşdirilýär.

15 Oktýabr 2024

Sport

Erkin göreş boýunça açyk çempionat geçirildi

Türkmenabat şäherindäki 2-nji sport mekdebinde erkin göreş boýunça zenanlaryň arasynda welaýatymyzyň açyk çempionaty geçirildi. Agram derejeleriniň 12-si boýunça geçirilen ýaryşa Türkmenabat şäheriniň, Çärjew we Dänew etraplarynyň hem-de Mary welaýatynyň türgenleri gatnaşdylar. Ýaryşda jemi türgenleriň 52-si güýç synanyşdy. Şunda agram derejeleriniň aglabasy boýunça türkmenabatly türgenleriň welaýatymyzyň çempiony bolandygyny aýratyn nygtamak gerek. Has takygy, welaýat merkezindäki 8-nji sport mekdebinden Selbi Zahirowa 53, Nargiza Nyýazowa 55, Leýli Ibragimowa 62, Maral Kurbanowa 68, Näzik Bazarowa 72, Leýli Kurbanowa 76 kilograma çenli, Suraý Bakyýewa bolsa 76 kilogramdan ýokary agram derejesinde çempionatyň ýeňijileri boldular. 50 we 65 kilograma çenli agram derejelerinde Türkmenabat şäherindäki 2-nji sport mekdebiniň türgenleri Aýşöhle Berdinyýazowa bilen Aziza Lukmanowa hormat münberiniň iň ýokarky basgançagyna çykdylar. Ýaryşyň iň ýeňil agram derejesinde ― 48 kilograma çenli derejesinde bolsa welaýat merkezindäki 7-nji sport mekdebinden Madina Amanowa taý tapylmady.

15 Oktýabr 2024

Sport

Lebaply woleýbolçylar halkara ýaryşyň bürünç medalyna mynasyp boldular

Türkmenabat şäherindäki 9-njy we 10-njy sport mekdepleriniň uçurymlary we türgenleri şu günler ýurdumyzyň woleýbol boýunça 20 ýaşa çenli ýaşlar ýygyndysynyň hatarynda Aziýanyň çempionatynyň sebitleýin böleginde bürünç medala mynasyp boldular. Ýaşlar ýygyndymyza lebaply woleýbolçylaryň üçüsi wekilçilik etdi. Olar Alişer Narbaýew, Agamyrat Rozyýew we Şöhrat Allakowdyr. Lebaply woleýbolçylar — Gurbandurdy Şükürow bilen Ahmet Jankulyýewiň şägirtleri. Aziýanyň çempionatynyň sebitleýin bölegi Şri-Lankanyň Kolombo şäherinde geçirildi. Duşuşyklarda 6 döwletiň ― Türkmenistanyň, Gyrgyzystanyň, Özbegistanyň, Şri-Lankanyň, Nepalyň we Maldiw adalarynyň ýygyndylary güýç synanyşdy.

15 Oktýabr 2024

Sport

Birinji ligada birinji aýlaw tamamlandy

Türkmenistanyň futbol boýunça çempionatynyň birinji ligasynyň Lebap sebitinde birinji aýlawyň duşuşyklary tamamlandy. Biz ozal sebitde ilkinji iki tapgyryň netijeleri barada habar beripdik. Şondan soňky bäş tapgyrda «Miras», «Bagtyýarlyk», «Türkmenabat» ýaly toparlar bäsdeşlerine görä has üstünlikli çykyş etmegi başardylar.

15 Oktýabr 2024

Sport

Türkmenabatly tennisçi ― halkara ýaryşyň çempiony

Türkmenabat şäherindäki 9-njy sport mekdebiniň uçurymy, häzirki wagtda bilimini we tälim almagyny paýtagtymyzda ― ýaş olimpiýaçylaryň mekdebinde dowam etdirýän ýaş tennisçi Aly Geldiýew Doha şäherinde (Katar) 14 ýaşa çenli türgenleriň arasynda geçirilen Aziýanyň birinjiliginde hormat münberiniň birinji basgançagyna çykdy. Saýlama tapgyrda Majed Albluşini (Birleşen Arap Emirlikleri) — 6:0, 6:0 we Roland Guony (ABŞ) — 6:0, 6:1 hasabynda ýeňen 12 ýaşly türgen esasy tapgyra gatnaşmaga hukuk gazandy. Ol esasy tapgyrda hem bäş gezek ýeňiş gazanyp, sport ýolunda ilkinji gezek halkara ýaryşyň ýeňijisi bolmagy başardy.

14 Oktýabr 2024

Sport

«Arkadag» topary — ýurdumyzyň çempiony

Gahryman Arkadagymyzyň golaýda ýurdumyzdaky ilkinji «akylly» şäheriň ikinji tapgyrynyň binalarynyň gurluşygy bilen tanşan güni bu şäheriň adybir futbol topary ýurdumyzyň çempionatynda bassyr ikinji çempionlygyny yglan etdi. Bu iki wakanyň biri-birine utgaşyp gelmegi Arkadag şäheri bilen bagly başlangyçlaryň täzeden-täze üstünliklere ýar bolýandygyny ýene bir ýola tassyklady. Şu aýyň ahyrynda AFK-nyň Çagyryş ligasynyň duşuşyklaryna gatnaşjak «Arkadag» topary ýakynda duşuşyklarynyň birini möhletinden öň geçirdi. Gökdepe etrabynyň Babarap obasyndaky Sport mekdep-internatynyň futbol meýdançasynda geçirilen duşuşykda topar Balkanabadyň «Nebitçisini» kabul etdi. Milli çempionatymyzyň 28-nji tapgyrynyň çäklerinde meýilleşdirilen bu duşuşykda «Arkadag» topary garşydaşyndan 5:1 hasabynda üstün çykdy. Şeýlelikde, milli çempionatymyzyň häzirki dowam edýän möwsüminde 25-nji ýeňşini gazanan topar iň ýakyn bäsdeşinden 23 utuk tapawut bilen bassyr ikinji gezek ýurdumyzyň çempiony boldy. Möwsüm dowam edýär. Bu aralygyň ýene biraz açylaýmagy hem ähtimal. Ýöne häzir hem toparyň milli çempionatymyzyň taryhynda utuk babatynda iň tapawutly çempionlyklaryň birini gazanandygyny nygtamak gerek. Mundan ozal diňe 2015-nji ýylda paýtagtymyzyň «Altyn asyr» topary iň ýakyn bäsdeşinden 24 utuk ara açyp, çempion bolmagy başarypdy.

14 Oktýabr 2024

Sport

Bedenterbiýe we sport

«7/24.tm»: №42 (229) 14.10.2024 Gim­nas­ti­ka bo­ýun­ça mil­li ýy­gyn­dy to­pa­ry­myz 20-nji sent­ýabr — 20-nji okt­ýabr ara­ly­gyn­da Öz­be­gis­ta­nyň Daş­kent şä­he­rin­de ge­çi­ril­ýän okuw-tür­gen­le­şik ýyg­na­ny­şy­gy­na gat­naş­dy.

13 Oktýabr 2024

Sport

Katarda gazanylan üstünlik

Dohada (Katar) geçirilen 14 ýaşdan uly bolmadyk türgenleriň arasynda geçirilen 3-nji Aziýanyň ýetginjekler ýaryşynda türkmen tennisçileri hormat münberiniň ähli basgançagyny eýelediler. Aziýanyň Tennis federasiýasynyň (ATF) howandarlygynda geçirilen ýaryşa 20-den gowrak döwletden, şol sanda Ýewropa, Günorta Amerika ýurtlarynyň birnäçesinden we ABŞ-dan türgenler gatnaşdylar. Iň ýiti bäsleşik ýekelikde oglanlaryň arasynda bolup, onda türgenlerimiziň ikisi saýlama ýaryşdan geçmeli boldular. Majed Albluşini (Birleşen Arap Emirlikleri) – 6:0, 6:0 we Roland Guony (ABŞ) – 6:0, 6:1 hasabynda utup, saýlama tapgyrdan geçen 12 ýaşly türkmen tennisçisi Aly Geldiýew esasy tapgyra düşdi we onda ýene bäş gezek ýeňiş gazanyp, ilkinji gezek halkara ýaryşynyň ýeňijisi boldy. Finalda bolsa Aly Geldiýew Aşgabat şäherindäki 86-njy ýöriteleşdirilen orta mekdebiň okuwçysy Süleýman Hudaýberdiýewden (tälimçisi Gurbanberdi Gurbanberdiýew) üstün çykdy. Aşgabat şäherindäki 12-nji orta mekdebiň okuwçysy, Türkmenistanyň milli ýygyndysynyň baş tälimçisi Mirali Gasanowyň ýolbaşçylygynda «Aşgabat» tennis akademiýasynda tälim alýan Emirhan Rustamow baýrakly üçünji orny eýeledi.

12 Oktýabr 2024

Sport

Futbol täzelikleri

Ýurdumyzyň futbol çempionatynyň 28-nji tapgyrynyň senesi süýşürilen duşuşygynda öz meýdanynda Balkanabat şäheriniň «Nebitçisinden» 5:1 hasabynda üstün çykan «Arkadag» topary wagtyndan öň bassyr ikinji çempionlygyny gazanmagy başardy. Toparyň düzüminde Arslanmyrat Amanow (8), Mirza Beknazarow (23), Nazar Towakelow (35), Mekan Saparow (59), Enwer Annaýew (83) tapawutlanmagy başardylar. Myhmanlardan bir jogap topy Baýramgeldi Nurlyýew (37) geçirdi. 25-nji duşuşygynda 25-nji ýeňşini gazanan «Arkadag» topary utugyny 75-e ýetirip, 2-nji orunda barýan «Ahal» bilen aratapawudy 23 utuga çenli artdyrdy. Döredilen wagtyndan bäri (2023-nji ýyl) resmi duşuşyklaryň birinde-de ýeňilmedik topar gysga taryhynda milli rekordlaryň birnäçesini täzeledi. Ýaryş tertibinde 3-nji orny eýeleýän paýtagtymyzyň «Altyn Asyr» topary 49 utuk toplady. 28-nji tapgyryň senesi süýşürilen duşuşygynyň netijesi:

12 Oktýabr 2024

Sport

Gadymy oýnuň ähmiýeti

Küşt ähli ýaşdaky adamlara niýetlenen iň gadymy we lezzetli oýunlaryň biri hasaplanýar. Bu oýnuň aýratynlygy onuň oýnalyşynyň düzgünlerinde aýan bolýar. Bu ugurda ilkinji ädimler şol düzgünleri özleşdirmekden başlanýar. Aslynda, çagalaryň ýadyny, ünsüni ösdürýän ýat tutmak, diňlemek, gaýtalamak ýaly endikler kämilleşdirileninden soň küşte başlamak maslahat berilýär. Mundan başga-da, çagalar daşary ýurt dillerini özleşdirmek arkaly hem öz intellektual derejelerini ýokarlandyryp, bu gadymy oýna höweslenip bilýärler. Häzirki wagtda dünýäniň belli ýaş küştçüleriniň terjimehaly bilen gyzyklansaň, olaryň ilkibada dürli daşary ýurt dillerini öwrenendiklerini we logiki oýunlary oýnap kämilleşendiklerini görmek bolýar. Küşt Diýarymyzda sportuň iň ösen görnüşleriniň biri bolup, ol ir döwürlerden bäri halkymyzyň arasynda uly meşhurlyga eýedir. Küşt oýnamak ýurdumyzda geçen asyryň başlarynda köpçülikleýin häsiýete eýe bolýar, halkyň milli medeniýetiniň bir bölegine öwrülýär. Ol çagalarda sporta bolan söýgi bilen bilelikde, ylym-bilime bolan gyzyklanmanyň ösmegini üpjün edýär. Bu oýun çagalaryň beden we ruhy taýdan sazlaşykly ösmegine itergi berip, olarda gözellik, akyl hem zähmet terbiýesini bir-biri bilen baglanyşyklylykda kämilleşdirýär.

12 Oktýabr 2024

Sport

Bedenterbiýe we sport

Golaýda Mary welaýatynyň Murgap etrabynyň 1-nji sport mekdebinde erkin göreş boýunça 2009-2010-njy ýyllarda doglan türgenleriň arasynda etrabyň birinjiligi geçirildi. Çekeleşikli geçen ýaryşda güýçlüler öňe saýlandy. Netijede Mustafa Begjäýew, Ýakup Merdanow, Şamyrat Sytdykow, Söhbet Guwanjow, Kadyr Wepaýew, Ataberdi Kerwengeldiýew dagy öz agram derejelerinde 1-nji orny eýeledi. Çarynazar Hudaýnazarow, Abdykerim Ataýew, Atageldi Salyhow 2-nji, Süleýman Merdanow, Nazar Atajanow 3-nji orunlara mynasyp boldular. Annamuhammet BEGJÄÝEW,

11 Oktýabr 2024

Sport

Suw ýodalarynda

2 – 4-nji oktýabrda paýtagtymyzyň «Olimpiýa» suw-sport toplumynda ýokary okuw mekdepleriniň, başlangyç we orta hünär okuw mekdepleriň talyplarynyň hem-de Aşgabat şäheriniň orta mekdepleriniň okuwçylarynyň arasynda «Türkmenistan – ruhubelentligiň we sagdynlygyň ýurdy» atly Uniwersiadanyň hem-de Spartakiadanyň çäklerinde suwda ýüzmek boýunça ýaryş geçirildi. Türkmenistanyň Bedenterbiýe we sport baradaky döwlet komitetiniň, «Türkmenistan» Ýaşlar bedenterbiýe-sport guramasynyň, Aşgabat şäheriniň bedenterbiýe we sport baradaky Baş müdirliginiň bilelikde guramagynda geçirilen ýaryş çekeleşikli häsiýete eýe boldy. Şeýlelikde, ýokary mekdepleriň talyplarynyň arasynda geçirilen ýaryşda Ýagşygeldi Kakaýew adyndaky Halkara nebit we gaz uniwersitetiniň topary 1-nji orny eýeledi. Türkmenistanyň Içeri işler ministrliginiň institutynyň topary 2-nji, Türkmen döwlet bedenterbiýe we sport institutynyň topary 3-nji orunlara mynasyp boldular. Başlangyç we orta hünär okuw mekdepleriniň arasynda bolsa 1-nji orny Aşgabat energetika orta hünär okuw mekdebiniň topary eýeledi. Aşgabat şäherindäki Syýahatçylyk orta hünär okuw mekdebiniň topary 2-nji, «Türkmenhowaýollary» agentliginiň howa ulaglarynyň işgärlerini taýýarlaýan mekdebiniň topary 3-nji orunlary eýelemegi başardylar. Orta mekdepleriň arasynda 1-nji orny 15-nji orta mekdebiň topary eýeledi. 16-njy orta mekdebiň topary 2-nji, 27-nji orta

11 Oktýabr 2024

Sport

Taryhda şu gün

***

11 Oktýabr 2024

Sport

«Çel­si» hem-de «Fio­ren­ti­na» ýe­ňiş bi­len baş­la­dy

UEFA-nyň 3-nji de­re­je­li ýa­ry­şy Kon­fe­ren­si­ýa Li­ga­syn­da 1-nji du­şu­şyk­lar ge­çi­ri­lip, bäs­le­şi­giň esa­sy to­par­la­ryn­dan «Çel­si» öz meý­dan­ça­syn­da Bel­gi­ýa­nyň «Gent» to­pa­ryn­dan 4–2 ha­sa­byn­da üs­tün çyk­dy. 3-nji ge­zek ge­çi­ril­ýän ýa­ry­şyň il­kin­ji iki­si­niň fi­nal­çy­sy «Fio­ren­ti­na» öz meý­dan­ça­syn­da Uel­siň «Nýu Seýnts» to­pa­ry­ny Ad­li hem-de Ke­niň gol­la­ry bi­len 2–0 ha­sa­byn­da ut­dy. Tap­gy­ryň iň köp gol­ly du­şu­şy­gyn­da Bel­gi­ýa­nyň «Serkl Brýug­ge» to­pa­ry öz meý­dan­ça­syn­da Şweý­sa­ri­ýa­nyň «Sankt-Gal­len» to­pa­ry­ny 6–2 ha­sa­byn­da ýeň­di. Du­şu­şyk­da ýe­ňiş ga­za­nan to­pa­ryň gol­la­ry­nyň 3-si­ni Den­ki öz ady­na ýaz­dyr­dy. 3 to­par bi­len we­kil­çi­lik ed­ýän Kip­riň klub­la­ry­nyň 2-si ýe­ňiş ga­za­nyp, beý­le­ki­si deň­me-deň oý­na­dy. «Omo­ni­ýa» öz meý­dan­ça­syn­da «Win­kin­gur Reýk­ýa­wik» to­pa­ry­ny 4–0, «Pa­fos» bol­sa myh­man­çy­lyk­da Mol­do­wa­nyň «Petro­kub Hyn­çeş­ty» to­pa­ry­ny 4–1 ha­sa­byn­da ut­dy. APOEL bol­sa myh­man­çy­lyk­da Ir­lan­di­ýan­yň «Şam­rok Ro­wers» to­pa­ry bi­len utuk­la­ry paý­laş­dy. «Ko­pen­ga­ge­niň» Da­ni­ýa­da Pol­şa­nyň «Ýa­gel­lo­ni­ýa Be­los­tok» to­pa­ryn­dan 2-1 utul­ma­gy hem-de «Be­ti­siň» myh­man­çy­lyk­da baş­ga bir pol­ýak to­pa­ry «Le­gia­dan» 1-0 as­gyn gel­me­gi 1-nji tap­gy­ryň ga­ra­şyl­ma­ýan ne­ti­je­le­ri hök­mün­de bel­li­ge alyn­dy. Kon­fe­ren­si­ý

11 Oktýabr 2024

Sport

NBA-da ilkinji gezek

Ýa­kyn gün­ler­de baş­lan­jak NBA-nyň tä­ze möw­sü­mi­niň öňü­sy­ra­syn­da klub­la­ryň ýol­daş­lyk du­şu­şyk­la­ry do­wam ed­ýär. Li­ga­nyň iň esa­sy klub­la­ryn­dan «Los An­je­les Leý­kers» bi­len «Fi­niks Sans» to­pa­ry du­şuş­dy. Du­şu­şyk 118:114 ha­sa­byn­da «Fi­niks San­syň» peý­da­sy­na ta­mam­lan­dy. Du­şu­şy­gyň iň esa­sy aý­ra­tyn­ly­gy bol­sa «Los An­je­les Leý­kers» to­pa­ryn­da ata­ly-og­luň, ýag­ny LeB­ron Jeýms bi­len og­ly Bron­ni Jeým­siň bi­le­lik­de çy­kyş et­me­gi bol­dy. Şun­luk­da, NBA-nyň çä­gin­de ýol­daş­lyk du­şu­şy­gy hem bol­sa il­kin­ji ge­zek ata­ly-ogul bir du­şu­şyk­da oý­na­dy. Bu ta­ry­hy du­şu­şyk­dan soň LeB­ron Jeýms: – En­tek do­ly öw­re­ni­şem­zok, ýö­ne diý­seň aja­ýyp duý­gy. Iki­miz, esa­sa­nam, maş­ga­la­myz üçin şeý­le pur­sat­la­ry baş­dan ge­çir­mek diý­seň ýa­kym­ly tä­sir gal­dyr­ýar – di­ýip, be­ýa­nat ber­di. «Los An­je­les Leý­kers» to­pa­ry Bron­ni Jeým­si to­mus­da NBA-nyň draf­tyn­da 55-nji ha­tar­dan dü­zü­mi­ne go­şup­dy.

11 Oktýabr 2024

Sport