“Türkmenistan” Ýaşlar bedenterbiýe-sport guramasynyň Ahal welaýat bölüminiň ýyllyk iş meýilnamasynyň çäginde Gökdepe etrabyndaky 14-nji orta mekdepde okuwçy ýaşlaryň arasynda mekdep sport festiwaly geçirildi. Etrap bilim bölümi bilen bilelikde guralan mekdep sport festiwaly diýseň täsirli geçdi.
Okuwçy ýaşlar tanap çekmek, keçe-keçe oýunlary, woleýbol boýunça bäsleşdiler. Turuwbaşdan ruhubelentlik ýagdaýynda geçen ýaryşlar ýaşlaryň ukyp-ussatlyklaryny äşgär etdi. Onda mekdeplerden gelen toparlaryň arasynda ökdeler öňe saýlady. Mekdep sport festiwalynda has şowly çykyş eden toparlar hormat hatlary bilen sylaglandy.
