Ber­ka­rar döw­le­tiň bag­ty­ýar­lyk döw­rün­de ýur­du­my­zyň äh­li ba­bat­da­ky ösüş­le­ri, öz­ge­riş­le­ri bü­tin dün­ýä ýaň sal­ýar. Ýur­du­myz­da ga­za­nyl­ýan üs­tün­lik­ler, ýe­til­ýän be­lent sep­git­ler şan­ly gel­je­gi na­zar­la­ýar. Döw­le­ti­mi­ziň hal­ka­ra de­re­je­sin­dä­ki at ab­ra­ýy gün-gün­den art­ýar.

Türk­me­nis­tan Ga­raş­syz­ly­gy­ny ala­nyn­dan soň, al­nyp ba­ryl­ýan içe­ri we da­şa­ry sy­ýa­sa­ty­nyň esa­syn­da tä­ze de­re­je­le­re çyk­dy. Türk­me­niň me­de­ni­ýe­ti, ta­ry­hy, mil­li mi­ra­sy hal­ka­ra de­re­je­sin­de öw­re­nil­ýär we giň­den wa­gyz edil­ýär. Bu ba­bat­da bi­lim eda­ra­la­ryn­da hem giň ge­rim­li iş­ler ýaý­baň­lan­dy­ryl­ýar. Ýur­du­my­zyň ýo­ka­ry okuw mek­dep­le­ri bi­len da­şa­ry ýurt­la­ryň baý­ry ýo­ka­ry okuw mek­dep­le­ri­niň ara­syn­da yzy­gi­der­li wi­deoa­ra­gat­na­şyk ar­ka­ly bir­nä­çe mas­la­hat­lar, söh­bet­deş­lik­ler ge­çi­ri­lip du­rul­ýar. Bu bol­sa mu­gal­lym­la­ryň tej­ri­be alyş­mak­la­ry­na, ta­lyp ýaş­la­ryň bol­sa, bi­lim­le­ri­ni kä­mil­leş­dir­mek­le­ri­ne uly ýar­dam ber­ýär. Ýa­ňy-ýa­kyn­da bi­ziň bi­lim oja­gy­myz­da hem mu­kad­des Ga­raş­syz­ly­gy­my­zyň şan­ly 30 ýyl­ly­gy­na ba­gyş­la­nan «Mu­ham­met Baý­ram han Türk­men we türk­men hal­ky­nyň mert­lik, wa­tan­sö­ýü­ji­lik, adam­kär­çi­lik ýö­rel­ge­le­ri» ady bi­len wi­deoa­ra­gat­na­şyk ar­ka­ly hal­ka­ra maslahat ge­çi­ril­di. Türk­men hal­ky­nyň yn­san­per­wer­lik däp­le­ri­ni we ser­ker­de şa­hyr Baý­ram han Türk­me­niň ede­bi dö­re­di­ji­li­gi­ni dün­ýä ýaý­mak­da we wa­gyz et­mek­de örän uly äh­mi­ýe­ti bo­lan gö­ni wi­deoa­ra­gat­na­şyk ar­ka­ly ge­çi­ri­len halkara maslahata 34-den gow­rak döw­le­tiň ýo­ka­ry okuw mek­dep­le­ri­niň alym­la­ry­dyr tejribeli edebiýatçy mu­gal­lym­la­ry gat­naş­dy­lar. On­da çy­kyş eden­ler Be­ýik Ýü­pek ýo­ly, Gün­do­gar we Gün­ba­tar ýurt­la­ry­nyň ösüş ta­ry­hy, me­de­ni mi­ra­sy we Türk­me­nis­ta­nyň he­mi­şe­lik Bi­ta­rap­ly­gy ha­kyn­da tä­sir­li gür­rüň et­di­ler. Bi­ziň bi­lim oja­gy­myz­dan gat­na­şan mu­gal­lym­lar hem ýur­du­myz­da ata-ba­ba­la­ry­myz­dan mi­ras ga­lan ýö­rel­ge­leriň üstünlikli dur­mu­şa ge­çi­ril­ýän­di­gi we Be­ýik Ýü­pek ýo­lu­nyň ug­run­da ýer­leş­ýän şä­her­ler we ola­ryň ga­dy­my­ly­gy, me­de­ni­ýe­ti dog­ru­syn­da gür­rüň et­di­ler.