Ylym we bilim işgärleriniň kärdeşler arkalaşygynyň Etrek etrap geňeşiniň we etrap bilim bölüminiň bilelikde guramaklarynda «Ýylyň mugallymy» atly bäsleşik geçirildi. Mugallymlar bäsleşigiň şertlerine laýyklykda, ukyp-başarnyklaryny görkezdiler. Hormatly Prezidentimiziň taýsyz tagallasy bilen «Türkmenistan — parahatçylygyň we ynanyşmagyň Watany» ýylynda okuwçylara berilýän bilim-terbiýäniň hiliniň ýokarlanýandygyny buýsanç bilen bellediler. Okuwçylaryň arasynda watansöýüjilik, zähmetsöýerlik, halallyk, arassa ahlaklylyk ýaly mowzuklardan geçirýän işlerini beýan etdiler.

Etrapdaky 5-nji orta mekdebiň türkmen dili we edebiýaty mugallymy Akbäbek Garaýewa birinji orny eýeläp, bäsleşigiň welaýat tapgyryna gatnaşmaga hukuk gazandy.