18-nji dekabrda Türkmenistanyň Döwlet çeperçilik akademiýasynyň mejlisler zalynda Türkmenistanyň Medeniýet ministrliginiň Maddy däl medeni miras müdirliginiň ÝUNESKO-nyň işleri barada Türkmenistanyň Milli toparynyň bilelikde guramagynda «Halk ussalary — çeper döredijiligiň ussatlary» atly maslahat geçirildi. Maslahatda ýurdumyzyň belli alymlary, sungaty öwrenijileri milli mirasymyzyň geçmiş taryhy, halypa-şägirtlik gatnaşyklary dogrusynda gürrüň etdiler. Maslahatyň ahyrynda ýurdumyzyň zergärleri A.Saparowa, G.Nuryýewa, B.Gaýypberdiýewa, G.Seýitjanowa, S.Nuryýewa, O.Kakaýewe, O.Öräýewa, H.Taganowa, H.Pirliýewe, Ş.Akmyradowa Türkmenistanyň Medeniýet ministrligi tarapyndan «Çeper döredijiligiň halk ussasy» atly şahadatnama we sowgatlar gowşuryldy.