Düýn ýurdumyzda ajaýyp sazlaryň ýaňlanmagynda şadyýan körpeleriň gatnaşmagynda Watanymyzyň ýaşajyk sungatsöýer nesliniň taýýarlan sahnalarynyň, aýdymdyr tanslarynyň ýerine ýetirilmeginde arzuwlaryň hasyl bolýan ülkesiniň baş arçasynyň yşyklary töwerege ýalkym saçdy.

«Älem» medeni-dynç alyş merkeziniň öňündäki beýikligi 44 metre, ini bolsa 16 metre deň bolan beýik baş arçanyň yşyklary paýtagtymyza has-da gözellik çaýýar. Sekizburçly ýyldyz, «2025» ýazgy bilen bezelen, hem-de köp sanly dürli öwüşgindäki yşyklarda ýalkym saçýan Arça täze ýylyň ýetip gelýändiginiň alamaty bolup uzaklardan seleňläp görünýär.