Hünär baýramçylygy şowhuna beslendi

Toýlary-toýlara ulaşýan Diýarymyzda hormatly Prezidentimiziň baştutanlygynda ähli ulgamlarda zähmet ýeňişleri gazanylyp, guwançly sepgitlere eýe bolunýar. Bilşimiz ýaly, hemişelik Bitaraplygymyzyň 29 ýyllygynyň uly toýunyň yzysüre ýurdumyzda Nebitgaz senagaty we geologiýa işgärleriniň gününiň baýramçylygynyň dabarasam alyslara aşdy. Şu sene mynasybetli baýramçylyk güni Şatlyk şäherçesindäki medeniýet öýünde baýramçylyk çäresi geçirildi. Oňa gazçylar, geologiýa işgärleri, jemgyýetçilik guramalarynyň we ýaşuly nesliň wekilleri gatnaşdylar.