Hojamguly JUMAGULYÝEW,
welaýat salgyt bölüminiň bölümçe başlygy:

— Täze taryhy döwür halkymyzyň ähli arzuwlarynyň hasyl bolýan, ýurdumyzda baky bagtyýarlygyň we abadançylygyň dabaralanýan ajaýyp zamanasy bolup, kalbymyza joşgun, ömrümize şatlyk bagyşlaýar. Halkymyzda täze öý-ojakly bolmak döwletlilikden nyşan hasaplanylýar. Halkara Bitaraplyk gününiň öňüsyrasynda şeýle uly bagta mynasyp bolmagymyz ähli maşgala agzalarymyzyň göwün guşuny ganatlandyrdy.