Pasyl çalşyp, howanyň sowamagy bilen, adama ýokuşyp biljek keselleriň biri-de, ýiti respirator ýokanç keselidir. Ondan goranmak üçin bedeniň kesellere garşy durnuklylygyny ýokarlandyrmaly. Munuň üçin sagdyn durmuş ýörelgelerine eýermeli. Bedenterbiýe maşklaryny yzygiderli ýerine ýetirmeli, sport bilen meşgullanmaly. Iň esasy-da, ruhy sagdynlygyň ähmiýeti uludyr. Şähdaçyklyk, durmuşa höwes, zerur şertleriň biridir. Galyberse-de, sagdyn iýmitlenmeli, ýurdumyzyň sahawatly topragynyň witaminlere baý önümlerini iýmeli.

Özüňiziň we çagalaryňyzyň burnunyň nemli bardasyna oksolin melhemini çalmagy endik ediniň, howa laýyk geýniň! C witamine — askorbin turşusyna baý önümleri iýmeli. Işleýän ýeriňizde we öýüňizde otaglary ýelejiredip, howasyny tämizläp durmaly.