Çuňňur hormatlanylýan belent mertebeli Prezidentimiz Arkadagly Gahryman Serdarymyzy Berkarar döwletiň täze eýýamynyň Galkynyşy döwrüniň her güni göwün galkyndyryjy wakalara beslenen «Pähim-paýhas ummany Magtymguly Pyragy» ýylynda Türkmenistanyň «Magtymguly Pyragynyň 300 ýyllygyna» atly ýubileý medaly we ýadygärlik nyşanlar toplumy bilen sylaglanylmagy mynasybetli tüýs ýürekden gutlaýarys.

Beýik türkmen Danasynyň ömrüni we döredijiligini watandaşlarymyza hem-de giň halkara jemgyýetçiligine wagyz etmekde, şahyryň bütin adamzada dost-doganlygy, parahatçylygy ündeýän, ýaş nesillerde watançylyk duýgusyny terbiýeleýän filosofik pikirlerini dabaralandyrmakda Arkadagly Gahryman Serdarymyzyň tagallalary örän uludyr. Şol tagallalaryň netijesinde şu ýyl Magtymguly Pyragynyň doglan gününiň 300 ýyllygy bütin dünýäde giňden bellenip, parahatçylygyň dabaralanmasy bolan türkmen paýhasy Ýer ýüzüne ýaýrady. Dürli milletler Magtymguly Pyragynyň gözel şygryýeti bilen tanşyp, türkmen halkynyň kalp gözelligini gördüler. Umumadamzat ähmiýetli ol şygyrlar dünýäniň ruhy hazynasyndan ebedi orun aldylar.