«Pähim-paýhas ummany Magtymguly Pyragy» ýylynyň dabaralary älem içre ýaň salýar. Adyndan belli bolşy ýaly, bu ýylda akyldar şahyrymyz Magtymguly Pyragynyň doglan gününiň 300 ýyllygy halkara derejesinde dabaralanýar. Hormatly Prezidentimiz Arkadagly Gahryman Serdarymyz beýik söz ussadynyň adyny göterýän Türkmenistanyň «Magtymguly Pyragynyň 300 ýyllygyna» atly ýubileý medaly we ýadygärlik nyşan bilen sylaglanylmagy halkymyzyň buýsanç duýgusyny belende göterdi. Bu şatlykly habar hemmeleriň göwün guşuny ganatlandyrdy. Halkymyzyň bagtyýar durmuşda ýaşamagy, dost-doganlyk gatnaşyklarynyň ösdürilmegi, ynsanperwer işleriň alnyp barylmagy ugrunda beýik tagallalary edýän Arkadagly Gahryman Serdarymyza alkyş sözleri aýdyldy.