Berkarar döwletiň täze eýýamynyň Galkynyşy
döwründe hormatly Prezidentimiziň alyp barýan
adyl syýasaty esasynda diňe bir halkymyzyň
däl-de, daşary ýurt edebiýatynyň taryhyny
öwrenmäge hem uly mümkinçilikler döredilýär.

Dünýä edebiýatynda täze atlaryň peýda bolmagy ähli döwürleriň möhüm wakalarynyň biri bolmak bilen, her bir jemgyýetde uly gyzyklanma döredýär. Edebiýatçylar, terjimeçiler, žurnalistler daşary ýurtly ýazyjylaryň döredijiligini we gymmatly eserlerini öwrenmäge yhlas baryny siňdirýärler. Häzirki wagta çenli bu ugurda amala aşyrylan uly işler döwür bilen aýakdaş gidýän Türkmenistan Diýarymyzyň ähli pudaklarda gazanýan üstünlikleriniň aýdyň subutnamalarydyr. Garaşsyz Watanymyzyň beýleki döwletler bilen alyp barýan ikitaraplaýyn dost-doganlyk we oňyn diplomatik gatnaşyklary halkara derejesinde giň gerimli edebi-döredijilik duşuşyklarynyň guralmagyna, bu ugurda hünärmenleriň arasynda pikir alşylyp, tejribe toplamaklyga itergi berýär.