Bagtyýar halkymyz hormatly Prezidentimiziň beýik başlangyçlaryndan we oňyn özgertmelerinden ruhlanyp, döredijilikli zähmet çekip, dünýä derejeli belent üstünlikleri gazanmak bilen, Garaşsyz, hemişelik Bitarap ýurdumyzyň ähli ugurlarda gülläp ösmegine önjeýli goşant goşýar. Gahryman Arkadagymyzyň, Arkadagly Gahryman Serdarymyzyň taýsyz tagallalary netijesinde ykdysadyýetde, senagatda, gurluşyk pudagynda, oba hojalygynda, ylymda, bilimde, medeniýetde, sporty ösdürmekde, aragatnaşyk pudagynda, şeýle-de eziz Diýarymyzyň sebitlerini, obadyr şäherlerini gülledip ösdürmekde ägirt uly işler durmuşa geçirilýär. Muňa mysal edip, Arkadag şäherinde, paýtagtymyzda we ýurdumyzyň welaýatlarynda açylyp ulanmaga berlen önümçilik desgalaryny, ähli amatlyklary bolan ýaşaýyş jaýlaryny, dokma toplumlaryny, saglyk öýlerini, hassahanalary, dünýä ülňülerine laýyk gelýän iň kämil tehnologiýalar bilen üpjün edilen döwrebap mekdeplerdir çagalar baglaryny, medeni dynç alyş merkezlerini görkezmek bolar.

Türkmenistanyň Prezidentiniň Karary bilen tassyklanan «Türkmenistanyň ýaşlarynyň halkara hyzmatdaşlygynyň 2023 — 2030-njy ýyllar üçin Strategiýasynda», şeýle hem bilim ulgamy boýunça kabul edilen Konsepsiýalarda kesgitlenen wezipeleri durmuşa geçirmek, Türkmenistanyň Prezidentiniň Karary bilen tassyklanan «Türkmenistanda himiýa ylmyny we tehnologiýalaryny toplumlaýyn ösdürmegiň 2021 — 2025-nji ýyllar üçin Döwlet maksatnamasyna» laýyklykda hem-de Arkadagly Gahryman Serdarymyzyň ylymly-bilimli, giň dünýägaraýyşly, kämil nesli kemala getirmek, zehinli talyplary ylma çekmek we ylmy derejeli işgärleri taýýarlamak boýunça öňde goýan wezipelerini ýerine ýetirmek, ylym-bilim ulgamyna innowasiýalary ornaşdyrmak maksady bilen, «Pähim-paýhas ummany Magtymguly Pyragy» ýylynyň 13-nji noýabrynda Ýagşygeldi Kakaýew adyndaky Halkara nebit we gaz uniwersitetinde sanly ulgam arkaly «Himiýa we gazhimiýa innowasion tehnologiýalaryň geljegi» atly halkara ylmy-amaly maslahat geçirildi.