Türkmenistanyň agyr atletika boýunça milli ýygyndysy geljek aýda Bahreýnde geçiriljek dünýä çempionatyna ýokary derejede taýýarlyk görýär. Şu günler türkmen ýygyndysy Türkiýäniň Antalýa şäherinde ýöriteleşdirilen okuw-türgenleşik ýygnanyşygyny geçirýär.

Okuw-türgenleşikler baş tälimçi Mansur Rejepowyň ýolbaşçylygynda guralýar. Oňa jemi 30, 19 erkek we 11 zenan türgen gatnaşýar. Düzümde ýaş türgenler bilen bilelikde, Ýulduz Jumabaýewa ýaly dünýä çempionynyň hem bolmagy özboluşly tejribe mekdebini emele getirýär.