Bäherden etrabynyň 2-nji orta mekdebinde «Türkmenistan — ruhubelentligiň we sagdynlygyň ýurdy» atly XIV spartakiadanyň çäginde kiçi futbol ýaryşynyň etrap tapgyry geçirildi. Oňa etrabyň umumybilim berýän mekdeplerinden toparlar gatnaşdy.

Okuwçy oglanlar sporta höwesleriniň uludygyny ýaryşyň barşynda subut etdiler. “Türkmenistan” Ýaşlar bedenterbiýe-sport guramasynyň welaýat bölüminiň, welaýatyň bedenterbiýe we sport baradaky Baş müdirliginiň, welaýat Baş bilim müdirliginiň hem-de jemgyýetçilik guramalarynyň bilelikdäki meýilnamasy esasynda giň gerime eýe bolýan spartakiadanyň nobatdaky kiçi futbol ýaryşynda etrapdaky 1-nji orta mekdebiň topary garşydaşlaryndan üstün çykdy. Ýaryşda ikinji orna 27-nji, üçünji orna 23-nji orta mekdepleriň toparlary mynasyp boldy.