«Türkmenistan — ruhubelentligiň we sagdynlygyň ýurdy» atly XIV spartakiadanyň çägindäki kiçi futbol ýaryşynyň Sarahs etrap tapgyry çekeleşikli duşuşyklara baý boldy. Etrapdaky 27-nji orta mekdebiň futbol meýdançasynda bolan ýaryşda orta mekdepleriň toparlary sport ussatlyklaryny görkezdiler.

Ýaryşyň esasy maksady ýaşlary sporta giňden çekmekden, sport ussatlyklaryny ýokarlandyrmakdan we güýçli toparlary ýüze çykarmakdan ybarat boldy. Duşuşyklaryň netijesinde etrapdaky 25-nji orta mekdebiň topary birinji orny eýeläp, ýaryşyň welaýat tapgyryna gatnaşmaga hukuk gazandy. Ikinji orna 26-njy orta mekdebiň, üçünji orna 27-nji orta mekdebiň topary mynasyp boldy.