Magtymguly Pyragynyň döredijiligi nusgawy edebiýatyň hazynasydyr. Dana akyldar dünýä halklarynyň arasynda meşhurlyk gazanyp, türkmen edebiýatyny Ýer ýüzüne äşgär eden ussat. Onuň ussatlygy, ilkinji nobatda, milliliginde we halkylygynda jemlenýär. Şahyr Garaşsyz döwletiň gurulmagyny isläp, süýji arzuwlaryň ummanynda gezip, Watana, tebigata bolan söýgüsini şygyrlarynda beýan edipdir.

Gündogaryň beýik akyldary we nusgawy şahyry Magtymguly Pyragy «Sähraýa aşyk bolmuşam», «Gençli şäher, Hydyr gezgen çöllerde», «Gadam goýsam sähralara, çöllere» diýen setirlerinde tebigatyň gözelligini wasp edipdir. Şahyryň şirin zybanyndan dörän «Türkmeniň» atly şygrynda: