Gahryman Arkadagymyzyň hem-de hormatly Prezidentimiziň sport hünärmenleri üçin döredip berýän şert-mümkinçiliklerinden ruhlanýan Aşgabat şäheriniň bedenterbiýe we sport baradaky Baş müdirliginiň 9-njy sport mekdebiniň tälimçi-mugallymlary kämil türgenleri ýetişdirmek ugrunda yhlasly zähmet çekýärler. Bu hakykat mekdebimiziň gandbolçylarynyň ajaýyp netijelerinde hem aýdyň beýanyny tapýar.

2010-njy ýylda doglan we şondan kiçi oglanlaryň hem gyzlaryň arasynda guralan gandbol boýunça Aşgabat şäheriniň birinjiliginiň netijeleri aýratyn bellenilmäge mynasypdyr. Paýtagtymyzdaky 2-nji orta mekdebiň sport zalynda geçirilen ýaryşda mekdebimiziň oglanlar toparlary-da, gyzlar düzümleri hem örän netijeli çykyş etdiler. Oglanlaryň bäsleşiginde birinji orny 12-nji sport mekdebiniň topary eýelese, ikinji hem-de üçünji ýerler biziň birinji we ikinji düzümlerimize degişli boldy. Gyzlaryň ýaryşynda bolsa baýrakly orunlaryň ählisini paýtagtymyzyň 9-njy sport mekdebiniň toparlary eýelediler.