«Türkmenistan — ruhubelentligiň we sagdynlygyň ýurdy» atly XIV spartakiadanyň çäginde kiçi futbol ýaryşynyň Babadaýhan etrap tapgyry guramaçylykly geçdi. “Türkmenistan” Ýaşlar bedenterbiýe-sport guramasynyň welaýat bölüminiň, etrabyň bedenterbiýe we sport baradaky Baş müdirliginiň hem-de etrap bilim bölüminiň bilelikde guramagynda etrapdaky 19-njy orta mekdebiň sport meýdançasynda geçen ýaryşa okuwçy oglanlardan düzülen toparlaryň birnäçesi gatnaşdy.

Ýaryş turuwbaşdan uly gyzyklanma eýe boldy. Toparlar özalarynda çekeleşikli duşuşyklary alyp bardylar. Şol duşuşyklaryň netijesi boýunça etrapdaky 11-nji orta mekdebiň topary birinji, 6-njy orta mekdebiň topary ikinji, 23-nji orta mekdebiň topary üçünji orna mynasyp boldy. Ýaryşda birinji orna mynasyp bolan topar welaýat tapgyryna gatnaşar.