Babadaýhan etrabynyň sport mekdebinde «Türkmenistan — ruhubelentligiň we sagdynlygyň ýurdy» atly XIV spartakiadanyň çäginde okuwçy gyzlaryň arasynda geçen woleýbol ýaryşynyň etrap tapgyry çekeleşikli duşuşyklara baý boldy. Etrapdaky orta mekdepleriň okuwçy gyzlaryndan düzülen toparlar ýaryşda ukyp-başarnyklaryny görkezdiler.

«Türkmenistan» Ýaşlar bedenterbiýe-sport guramasynyň welaýat bölüminiň, etrabyň bedenterbiýe we sport bölüminiň, etrap bilim bölüminiň hem-de jemgyýetçilik guramalarynyň ýaryşyň guramaçylykly geçmegi ugrunda eden tagallalary ýerine düşdi. Uly gyzyklanma döreden ýaryşyň netijesinde etrapdaky 2-nji orta mekdebiň topary birinji, 23-nji orta mekdebiň topary ikinji, 5-nji orta mekdebiň topary üçünji orny eýeledi. Ýeňiji topar ýaryşyň welaýat tapgyryna gatnaşmaga hukuk gazandy.