«Türkmenistan — ruhubelentligiň we sagdynlygyň ýurdy» atly XIV spartakiadanyň çägindäki ýaryşlaryň etrap tapgyrlary Kaka etrabynda üstünlikli dowam edýär. Etrapdaky 16-njy orta mekdebiň sport zalynda agzalan spartakiadanyň çäginde okuwçy gyzlaryň arasynda geçen woleýbol ýaryşy gyzykly boldy.
«Türkmenistan» Ýaşlar bedenterbiýe-sport guramasynyň welaýat bölüminiň, etrabyň bedenterbiýe we sport bölüminiň, etrap bilim bölüminiň hem-de jemgyýetçilik guramalarynyň bilelikde guramagynda geçen ýaryşda okuwçy ýaşlara sport ussatlygyny doly derejede açyp görkezmäge ähli şertlerdir mümkinçilikler döredildi. Talabalaýyk enjamlaşdyrylan sport zalyndaky amatlyklardan ruhlanan okuwçy gyzlar öz aralarynda çekeleşikli duuşyklary alyp bardylar. Şeýlelikde, 10-njy orta mekdebiň topary garşydaşlaryndan üstün çykyp ýaryşyň ýeňijisi boldy. Ikinji orna etrapdaky 20-nji orta mekdebiň, üçünji orna bolsa 21-nji orta mekdebiň toparlary eýeledi.
