Mähriban çagalar, «Güneşiň» bu sanynda Ahal welaýatynyň Sarahs etrabynyň Oraz Salyr adyndaky çagalar sungat mekdebiniň okuwçylarynyň çeken suratlaryny hödürleýäris. Bu ýaşajyk suratkeşler tebigatymyzyň ajaýyplyklaryny, gözelliklerini ýokary derejede wasp etmegi başarypdyrlar. Natýurmortlarda hem reňkleriň sazlaşygy ýerine ýetirijiniň başarjaňlygy bilen utgaşyp, ajaýyp eser emele gelipdir. Biz hem surat çekmäge höwesek jigilerimize «berekella» diýýäris we olara üstünlikleri arzuw edýäris.