Golaýda adaty karate boýunça Lebap welaýatynyň 23-nji açyk çempionaty geçirildi. Türkmenabat şäheriniň sport toplumynda guralan ýaryşa paýtagtymyz Aşgabatdan, ýurdumyzyň welaýatlaryndan toparlar gatnaşdylar. Çekeleşikli geçen ýaryşda Aşgabat şäheriniň türgenleri öňdeligi eýelediler. Daşoguz welaýatynyň türgenleri 2-nji, Lebap welaýtynyň topary bolsa 3-nji orna mynasyp boldular.

Welaýatymyzyň ýygyndy toparynyň esasyny düzýän sport mekdebimiziň türgenleri hem ýaryşda şowly çykyş etdiler. Olardan dürli ýaş derejelerindäki oglanlaryň we gyzlaryň arasynda Atamurat Şadyýew, Daniýar Bagtyýarow, Muhabbat Rozybaýewa (şahsy tutluşyk) hormat münberiniň ýokarky basgançagyna çykdylar. Muhammet Hojakuliýew, Bibijan Orazowa (şahsy tutluşyk), Dawut Ilhamow (şahsy kata), Selbi Saparowa (şahsy tutluşyk hem şahsy kata) 2-nji orny eýelediler. Abdyresul Meýlisow (şahsy tutluşyk) 3-nji netije bilen ýaryşy jemledi. Welaýatymyzyň toparyny ýaryşa sport mekdebimiziň tälimçisi R.Hudaýberenow taýýarlady.