18-20-nji oktýabr aralygynda ýurdumyzda Türki medeniýetiniň halkara guramasyna (TÜRKSOÝ) agza ýurtlaryň II teatr festiwaly geçirilýär.

Şu gün Türkmenistanyň Beýik Saparmyrat Türkmenbaşy adyndaky baş akademiki drama teatrynda TÜRKSOÝ guramasyna agza ýurtlaryň II teatr festiwalynyň açylyş dabarasy bolýar. Änew şäheriniň «Türki dünýäsiniň medeni paýtagty» diýlip atlandyrylýan ýylynda türki halklary bir ýere jemleýän bu medeni çäre doganlyk halklaryň birek-biregiň teatr sungaty bilen içgin tanyşmagyna uly mümkinçilik döreder.