Halym aganyň üstünligi

Bizi bagtyýarlykda ýaşadýan Gahryman Arkadagymyzyň, hormatly Prezidentimiz Arkadagly Gahryman Serdarymyzyň taýsyz tagallalary bilen ýurdumyz bedew bady bilen öňe barýar. Ähli ulgamlar bilen bir hatarda türkmen sporty hem barha kämilleşip, belent derejelere eýe bolýar. Ýurdumyzda sportuň beýleki görnüşleri bilen deň hatarda küşt sportunyň ösmegine hem aýratyn üns berilýär. Sportuň bu görnüşi boýunça dürli ýaryşlar geçirilip, ussat türgenler ýetişdirilýär. Küşt boýunça ussat, halypa türgenleriň bardygyny hem aýratyn bellemek zerur. Beýle diýmek bilen, biz Murgap etrabynyň ýaşaýjysy, küştçi Halym Maýlyýew hakynda gürrüň etmegi makul bildik.