Türkmenistanyň Telewideniýe, radiogepleşikler we kinematografiýa baradaky döwlet komitetiniň hünär tehniki okuw mekdebiniň hem-de Türkmenistanyň Magtymguly adyndaky Ýaşlar guramasynyň Aşgabat şäheriniň Köpetdag etrap geňeşiniň bilelikde guramagynda okuw mekdebinde bilim alýan ýaşlaryň arasynda Garaşsyzlyk baýramynyň 33 ýyllygy mynasybetli, sport bäsleşikleri geçirildi.

Talyp ýaşlaryň taýýarlan bäsleşikleri örän gyzykly we çekeleşikli geçdi. Sportuň şaşka görnüşi boýunça guralan bäsleşik 4 tapgyr boýunça geçirildi. Bäsleşik 1-nji we 2-nji ýyl talyplaryň arasynda geçirildi. Oýnuň netijelerine görä, 1-nji orna okuw mekdebiniň 1-nji ýyl talyby Şatlyk Nazarow, 2-nji orna okuw mekdebiniň 2-nji ýyl talyby Aýnur Agaýewa, 3-nji orna okuw mekdebiniň 2-nji ýyl talyby Aksoltan Ataýewa mynasyp boldular. Bäsleşigiň ahyrynda emin agzalary çykyş edip, ähli talyplary ýetip gelýän Garaşsyzlyk baýramy bilen gyzgyn gutlap, ýeňijilere guramaçylyk toparynyň adyndan gymmatbahaly sowgatlary gowşurdylar.