Lewerkuzen şäheriniň «Baýer» kluby Germaniýanyň Superkubogy üçin geçirilen oýunda «Ştutgarty» ýeňlişe sezewar etdi. Esasy wagty 2:2 hasabynda tamamlanan gapma-garşylygyň ýeňijisi oýundan soňky 11 metrlik urgularda anyklanyldy. Futbol lotoreýasynda «Baýer» 4:3 hasabynda ýeňiş gazandy.

Şeýlelikde, «Baýer» öz taryhynda ilkinji gezek Germaniýanyň Superkubogyna mynasyp boldy.