«Döwlet adam üçindir!» Gahryman Arkadagymyzyň döwlet Baştutanlygyna girişen ilkinji günlerinde öňe süren bu dünýä nusgalyk ýörelgesi geçen ýyllarda özüniň anyk beýanyny tapdy. Ilatyň jana-jan bähbitlerine, adamlaryň abadan ýaşamagyna gönükdirilen işler giň gerimli we uly möçberlidir.

Arkadagly Gahryman Serdarymyz peder ýoluna ynamly eýermek bilen, bu nurana ýörelgäni täze many-mazmun bilen baýlaşdyrýar. «Watan diňe halky bilen Watandyr! Döwlet diňe halky bilen döwletdir!» diýýän hormatly Prezidentimiziň parasatly baştutanlygynda il-ýurt bähbitli işler barha rowaçlanýar. Munuň şeýledigine ilatly ýerleri gazlaşdyrmak, gaz ulgamynyň sazlaşykly hereket etmegini gazanmak boýunça Lebap welaýatynda alnyp barylýan işler hem bütin aýdyňlygy bilen şaýatlyk edýär.