Berkarar döwletli bolmagyň bagtyýarlygyň baş badalgasydygy akyldar şahyrymyzyň şygryýet dünýäsine seýrana çyksaň has ýiti duýulýar. Çünki biz häzir şahyryň arzuwlan döwründe ýaşaýarys. Bu ajaýyp döwürde ýurdumyzyň halkara abraýy hem has belende galdy.

«Pähim-paýhas ummany Magtymguly Pyragy» ýylynda dana şahyrymyzyň kämil paýhas hazynasynyň ähmiýetini düşündirmek  babatynda  düýpli işler amala aşyryldy. Wagyz-nesihat häsiýetli duşuşyklar we ylmy-amaly häsiýetli döredijilik bäsleşikleri yzygiderli geçirildi.