Ukyp-başarnygyna laýyk hünär edinmek her bir adamyň durmuşyndaky iň bir wajyp meseleleriň biridir. Hünär öwrenmäge bolsa orta we ýokary hünär okuw mekdeplerine synaglary üstünlikli tabşyrmak bilen girişilýär. Munuň üçin bolsa, entek orta mekdepden başlap, yhlasly okamak, özüňi arzuw edýän hünäriň boýunça kämilleşdirip, ýokary derejeli şahsyýet bolmaga ymtylmak gerek. Türkmenistanyň milli kanunçylygynda hem orta mekdepde dürli ugurlar boýunça üstünlik gazanan dalaşgärlere giriş synaglarynda ýeňillikler göz öňünde tutulýar.
2021-nji ýylyň 5-nji iýunynda kabul edilen «Bilim hakynda» Türkmenistanyň Kanunynyň rejelenen görnüşiniň 18-nji maddasynyň onunjy bölegine laýyklykda, Türkmenistanyň umumybilim edaralarynyň altyn, kümüş, bürünç medallary bilen sylaglanan uçurymlary döwlet hünär bilimi edaralaryna şu aşakdaky şertlerde kabul edilýär:
