Ylymlar gününiň dabaralary

Ylymlar güni mynasybetli welaýat kitaphanasynyň öňündäki meýdançada guralan baýramçylyk dabarasy belent ruhy joşguna, şatlyk-şowhuna beslendi. Il sylagly ýaşulularyň, mährem eneleriň, ýaşlaryň we ylym-bilim ulgamynyň işgärleriniň gatnaşmaklarynda ýaýbaňlandyrylan dabara aýratyn täsirliligi we baý mazmuny bilen tapawutlandy. Dabaranyň başynda buýsançly çykyşlara giň orun berildi. Olarda Berkarar döwletiň täze eýýamynyň Galkynyşy döwründe ylmyň dürli ugurlarynyň ösdürilýändigi, bagtyýar ýaşlaryň ylmy başlangyçlaryna goldaw berilýändigi dogrusynda gürrüň edildi.