Her bir eseriň kämilliginiň, çeperçilik derejesiniň ýokary bolmagynda onuň dil baýlygyna uly orun degişlidir. Dil baýlygy bolsa, ilkinji nobatda, awtoryň öz eserlerinde çeperçilik serişdelerini kämil ulanyp bilşine bagly bolup durýar. Şeýle çeperçilik serişdeleriniň biri-de meňzetmelerdir.

«Türkmen diliniň düşündirişli sözlügi» kitabynda meňzetmä şeýle düşündiriş berilýär: «Meňzetme, 1.iş ady. Meňzetmek ýagdaýy. 2.edeb. Bir zadyň ikinji bir zada deňeşdirilýändigini, meňzedilýändigini aňladýan adalga».