16-njy martda ýurdumyzda ählihalk bag ekmek dabarasy geçirilýär

Parasatly pederlerimiz daş-töweregiňi bagy-bossanlyga öwürmeklige ähli döwürlerde hem ynsan borjy hökmünde garapdyrlar. Berkarar döwletiň täze eýýamynyň Galkynyşy döwründe bu ýörelgeler täzeçe röwüşde dowam etdirilýär. Hormatly Prezidentimiziň degişli Kararyna laýyklykda, ýurdumyzda şu gün — 16-njy martda ýazky ählihalk bag ekmek dabarasyna badalga berilmegi munuň aýdyň beýanydyr.