Dünýä alymlarynyň bellemegine görä, ertirlik tagamyndan ýüz öwürmek bedeniň immunitetiniň gowşamagynyň, ýokanç we ýokanç däl keselleriň, şeýle-de ýürek-damar keselleriniň, semizligiň döremeginiň esasy sebäpleriniň biridir. ABŞ-nyň lukmanlary her günde yzygiderli ertirlik edinýän adamlaryň arasynda semizligiň ýüze çykmak töwekgelçiliginiň örän pesdigini subut etdiler. Ertirlik edinýän adamlaryň bedeninde metabolizm hadysasy 3-4 göterim ýokary, edinmeýänleriň bedeninde bolsa, tersine, 5-6 göterim haýal geçýär.

Ertirlikde kabul edilen dogry tagamlar dartgynlylyk gormony bolan kortizolyň hem derejesini peseldýär. Munuň bilen bolsa semizligiň, süýjüli diabetiň, ýürek işemiýa keselleriniň döremek howpy azalýar.