Hormatly Prezidentimiziň parasatly baştutanlygynda ýurdumyzda saglygy goraýyş ulgamyny dünýäniň ösen döwletleriniň derejesine çykarmakda döwrebap özgertmelere badalga berilýär. Saglygy goraýyş ulgamyny we şypahana-bejeriş düzümini yzygiderli kämilleşdirmek, köpçülikleýin bedenterbiýe-sagaldyş hereketini, sagdyn durmuş ýörelgelerini işjeňleşdirmek bilen baglanyşykly meseleler Arkadagly Gahryman Serdarymyzyň hemişe üns merkezinde durýar.

Bu ugurda durmuşa geçirilýän işler bolsa buýsandyryjydyr. Häzirki zaman döwrebap anyklaýyş-bejeriş merkezlerini, hassahanalary, şypahanalary gurmak bilen, saglygy dikeltmegiň hili ýokarlandyrylýar. Lukmançylyk ylmyny düýpli ösdürmek, beden we ruhy taýdan sagdyn nesilleri terbiýelemek babatda uly ösüşler nazarlanylýar.