Gahryman Arkadagymyzyň tutumly başlangyçlaryny mynasyp dowam etdirýän Arkadagly Gahryman Serdarymyz il-ýurt bähbidini ähli zatdan ilerde tutup, ýurdumyzy hemmetaraplaýyn gülledip ösdürmek meselesini hemişe üns merkezinde saklaýar. Kalby päk, tämiz ruhly, giň dünýägaraýyşly ýaşlary terbiýeläp ýetişdirmek döwlet Baştutanymyzyň ýurdumyzda amala aşyrýan beýik başlangyçlarynyň, hususan-da, ylym-bilim özgertmeleriniň özenini düzýär.

Hormatly Prezidentimiziň başda durmagynda ýurdumyzyň orta we ýokary okuw mekdepleriniň tehniki binýadyny berkitmäge, olaryň öňdebaryjy daşary ýurt ylym-bilim merkezleri bilen ysnyşykly gatnaşyklary ýola goýmagyna giň mümkinçilikler döredilýär. Şol mümkinçilikleriň gurşawynda döwrebap ylym-bilim alýan ýaşlar ukyp-başarnyklary, tebigy zehinleri bilen tapawutlanýarlar.