Paýtagtymyzyň Halkara howa menzili Gahryman Arkadagymyzyň gatnaşmagynda 2016-njy ýylyň sentýabr aýynda dabaraly ýagdaýda açylyp ulanylmaga berildi. Umumy eýeleýän meýdany 1200 gektara golaý bolan bu howa menzili 100-den gowrak desgany öz içine alýar. Şolaryň 48-si esasy desgalardyr. Ýolagçy terminalynyň esasy binasynyň ýokarsynda ýerleşdirilen 705 inedördül metr haly gölüniň şekillendirilmegi bilen Aşgabadyň Halkara howa menzili «Iň uly göl» diýlip atlandyrylan binagärlik aýratynlygy boýunça Ginnesiň Bütindünýä rekordlar kitabyna girizildi.