Çagalary mydama gorap ýörmeseň, käbir keseller tiz ýokuşagan bolýar. Esasan-da, olary ýokanç kesellerden gorap durmaly. Ýokanç keseller bilen kesellemez ýaly, onuň öňüni alyş sanjymlaryny wagtly-wagtynda almaly. Çaganyň agramynyň, boýunyň her aýda ölçenmegi hem-de öňüni alyş sanjymlarynyň tertibe görä alynmagy onuň sagdyn ösmegine ýardam eder.

Çaga görmäge, eşitmäge, duýmaga we hereket etmäge mümkinçilik bermeli, şol sebäpli onuň sallançagyndan ýa-da krowatyndan uly, açyk reňkli oýnawaçlary görüp, ellerini uzadyp biler ýaly edip asyp goýmaly. Çaga bilen gürleşmeli, aýratyn-da, emdirýän wagtyňyz gürleşmek has-da oňaýlydyr.