Limon kislotasy öý hojalygynda ulanylýan enjamlar üçin tämizleýji serişde bolup hyzmat edýär. Bu serişde — sitrus miwelerinde duş gelýän tebigy garyşmadyr. Indi ony emeli usulda-da öndürýärler. Limon kislotasyny her bir hojalygyň aşhanasyndan tapmak bolýar. Häzirki wagtda ony sirkä derek hem ulanýarlar. Limon kislotasynyň güýçli, ýiti ysy ýokdur, ýöne onda kislota mahsus ähli häsiýetler bardyr. Şonuň üçin ony gündelik durmuşda ulanyp bolýar. Ony tokly we adaty çäýnekler üçin hem ulanyp bolýar. Çäýnege suw guýup, 1-2 çaý çemçe limon kislotasyny atmaly we 5 — 8 minut gaýnatmaly. Bu usuly ulananyňyzdan soňra, çäýnegiňizi gowy edip ýuwuň we bir gezek gaýnadyp döküň.