Zenan hakda söz açylanda, obadaşymyz, kalby mähirden doly Jumagözel gelnejäniň gürrüňleri serime dolýar.

—Ýaňyrak gelin bolup, gaýyn öýüme gelen günlerimdi. Gaýynymlaryň bagy-bossanlyga bürenip oturan, gür alma baglary bardy. Bagyň hasyl getirip, bişen wagtlarydy. Bir görsem, bagyň aşagynda gyzyldyr sary almalar dökülip ýaýrap ýatyr. Şol dowürlerde mürepbe gaýnatmak o diýen adat däldi. Gelin bolup baran ýerimde-de mürepbe gaýnatmaga känbir üns berilmeýän eken.