Türkmenmetbugat

"Güneş" žurnaly

Esaslandyryjysy: Türkmenistanyň Ministrler Kabineti
Salgysy: Aşgabat şäheri, Garaşsyzlyk şaýoly, 100, Türkmenbaşynyň erkin döredijilik mekany
Telefon belgileri: 38-61-68, 38-61-70, 38-61-59
Email: gunesh_tm@sanly.tm

Gazeti PDF görnüşinde ýükläp almak

Habarlar

Türkmenistanyň Prezidentiniň «Türkmeniň Altyn asyry» atly bäsleşigine

GOÝ, ÝAŇLANSYN PARAHATLYK AÝDYMY! (Publisistika)

28 Ýanwar 2021

Watana söýgüsi ömrüne siňen, Watan goragçysy, baýramyň bilen!

Ynsan kalbynda onuň ýaşyna kybap dürli-dürli duýgular düşläp geçse-de, Watana bolan söýgi ol kalpdan hergiz gitmeýär. Çünki şol söýginiň mukaddesligine düşünýän ynsan, öz durmuşyndaky her bir gymmatlygyň şol söýgüsiz manysyzdygyna düşünýär. Oňa her kimiň hem düşünmegi üçin bolsa, uzak oýlanyp oturasy iş ýok. Onuň üçin daş-töweregiňe göz aýlamak ýeterlik. Seni dünýä inderen mähriban ata-ene, seniň päk söýgi bilen guran maşgalaň, şol maşgalanyň bezegi eziz perzentleriň, yhlas siňdiren mukaddes öý-ojagyň, ýürekdeş dogan-garyndaş, goňşy-golam, dost-ýarlaryň ... bularyň ählisi-de gül Watanyň goýnunda ýerleşýär. Has takygy, durmuş Watan yşky bilen gaýnap-joşýar! Bilşimiz ýaly, ýurdumyzda ata Watanymyzyň goranmak kuwwatyny berkitmek, halkymyzyň abadan hem asuda durmuşyny üpjün etmek babatda halk bähbitli, döwlet ähmiýetli tutumly işler amala aşyrylýar. Biz munuň şeýledigine hormatly Prezidentimiziň golaýda geçiren Türkmenistanyň Döwlet howpsuzlyk geňeşiniň mejlisinde ýurdumyzyň harby we hukuk goraýjy edaralarynda ýerine ýetirilen işlere seljerme bermek bilen, häzirki wagtda olaryň öňünde durýan wajyp hem-de jogapkärli wezipeleri durmuşa geçirmek boýunça geçirilmeli çäreleriň toplumyny kesgitlemeginden hem aýdyň göz ýetirýäris. Döwlet Baştutanymyz hut şu maksatdan ugur alyp, geljekde ýurdumyzyň milli goşunynyň maddy-enjamlaýyn binýadynyň yzygiderli berkidiljekdigi barada aýtd

27 Ýanwar 2021

Watan — beýik mukaddeslik

Türkmeniň ýürek örki diňe öz Watanynda. Ykbalyny, ygraryny, alýan demini Watan bilen ölçeýär. Çünki türkmen watansöýüji milletdir. Bizi erkin ýaşadýan we bagtly edýän, ýaşaýyş umydyny alawlandyrýan, barha belentliklere ymtylmagymyza badalga berýän zat Watana bolan söýgimizdir. Watan söýgüsi her bir gözelligiň asyl manysyny duýmagymyza alyp gelýär. Çünki biziň süňňümizde bu topragyň ülüşleri bar. Biz şu toprak bilen bir göwre — Watandan aýry zadymyz ýok. Watan hakda söz açylanda Nuh pygamberden bäri ösüp-örňän pederlerimiz, dünýäniň dürli sebitlerinde döwlet guran ata-babalarymyz, ylymda, sungatda, medeniýetde uly yz galdyran alymlarymyz, görnükli taryhy şahslarymyz we türkmen diýen buýsançly hem-de şöhratly ada dahylly her bir zat hakydaňda aýlanýar. Ata-babalarymyz dünýä ýüzünde ýetmişden gowrak döwlet guranam bolsalar, ýedi yklyma ýaýylyp-ýaýranam bolsalar, olaryň ählisi üçin şol wagt hem ýekeje Watan bardy. Türkmeniň Watana bolan söýgüsi belentdir. Ata-babalarymyz öz perzentlerini belent watançylyk ruhunda terbiýeläpdirler. Şonuň üçin halkymyzyň ady taryhyň islendik döwründe-de dilden düşenok. Mertlik, merdanalyk, garadangaýtmazlyk, gözsüzbatyrlyk ýaly duýgular parasatlylyk, paýhaslylyk, ugurtapyjylyk ýaly häsiýetler bilen utgaşyp, hakyky türkmen häsiýetini emele getirýär.

27 Ýanwar 2021

Mertler Watany beýgeldýärler

Merdanadyr gaýratly,Eýmenmezek haýbatly, Ruhubelent, gyr atly,Türkmeniň gerçekleri.Lebzine ygrarlydyr,Erjel, namys-arlydyr,Roýy Aý dek ýarlydyr,Wepadyr görjekleri.Ata Watan asuda,Türkmene dostluk — kada,Aşnadyr ýakyn-ýada,Nyzam eýerjekleri.Ynama ykrarýetde,Birjik durmazlar çetde,Eserdeňdir serhetde,Ýürekdir berjekleri.Galp niýet biri gelse,Eýmendir nazar salsa,Lekin, kalby päk bolsa,Dosta ýokdur şekleri.Ýazsaň ismin taryha,Är diýdirer arypa.Ruhubelent — tarypa,Laýykdyr gerçekleri.Esgeri mert döwletiň,Röwşendir geljekleri.

27 Ýanwar 2021

Arkadagyň ak şäheri ajaýyp

Hormatly Prezidentimiz Gurbanguly Berdimuhamedow Aşgabatda we tutuş ýurdumyzda ýaýbaňlandyrylan özgertmeler maksatnamalarynyň durmuşa geçirilişini berk gözegçilikde saklap, raýatlarymyzyň ähli amatlyklaryň hözirini görüp ýaşamaklary üçin döredilýän oňaýly şertler, öňdebaryjy tehnologiýalary ornaşdyrmak hem-de ekologiýa abadançylygyny üpjün etmek bilen baglanyşykly meselelere hemişe aýratyn üns berýär. Uzak geljegi nazara almak bilen, ýurdumyzyň baş şäherini ösdürmek milli Liderimiziň öňe süren täzeçil şähergurluşyk maksatnamasynyň esasy ugurlarynyň biri bolup durýar. Paýtagtymyzyň häzirki keşbinde tutuş ýurdumyzyň durmuş-ykdysady ösüşiniň depginleri, onuň köpugurly kuwwaty, mähriban halkymyzyň baý taryhy we medeni däpleri öz aýdyň beýanyny tapýar.

27 Ýanwar 2021

Watançylyk owazlary

Ýurdumyzyň ähli künjeklerinde Watan goragçylarynyň güni mynasybetli guralan aýdym-sazly dabaralar, maslahatlar, medeni çäreler giň gerim aldy. Bu çäreler ýokary guramaçylyk derejesinde, baýramçylyk ruhunda geçirilmek bilen, Watan mukaddesligini, il abatlygynyň gadyr-gymmatyny, ähmiýetini has-da dabaralandyrdy. Ýaňy-ýakynda şeýle dabara podpolkownik Hojaguly Aşyrowyň ýolbaşçylyk edýän garnizonynyň harby gullukçylarynyň gatnaşmaklarynda Gökdepe etrabynyň Yzgant şäherçesindäki Berdimuhamet Annaýew adyndaky 27-nji orta mekdepde, hormatly Prezidentimiziň atasy, ussat mugallym, watançy esger, ilhalar ynsan Berdimuhamet Annaýewiň heýkeline gül desselerini goýmak çäresi bilen başlandy. Soňra TMÝG-niň Gökdepe etrap geňeşiniň guramagynda TGM-niň Merkezi serkerdeler öýüniň «Merdana nesiller» aýdym-saz toparynyň, Ahal welaýat medeniýet müdirliginiň medeniýet hem-de sungat ussatlarynyň, garnizonyň şahsy düzüminiň gatnaşmaklarynda Gökdepe etrabynyň Yzgant şäherçesindäki hormatly Belent Serkerdebaşymyzyň mähriban kakasy Mälikguly Berdimuhamedowyň adyny göterýän Medeniýet köşgünde «Watan — ýüreklerde, dillerde aýdym, her gysym topragyn mukaddes saýdym» atly baýramçylyk konserti geçirildi. Baýramçylyk konsertinde joşgunly aýdym-sazlara, buýsançly söhbetlere giň orun berildi. Olarda ýerine ýetirilen aýdymlar döwrümiziň belent ruhy bilen utgaşyp, watansöýüjilige, merdi-merdanalyga, edermenlige, g

27 Ýanwar 2021

Paýtagtymyzyň täsin keşbi

Öňňin hormatly Prezidentimiz Gurbanguly Berdimuhamedow paýtagtymyz boýunça iş saparyny amala aşyryp, köpugurly işewürlik merkezli kaşaň “Garagum” myhmanhanasynyň we onuň golaýynda ýerleşen seýilgähiň hem-de Aşgabat — Türkmenabat awtobanynyň gurluşygynda alnyp barylýan işler bilen tanyşdy. Hormatly Prezidentimiz ilki bilen paýtagtymyzyň demirgazyk künjeginde, A.Nyýazow we Hoja Ahmet Ýasawy köçeleriniň ugrunda gurulýan desgalaryň gurluşyk meýdançasyna geldi. Bu ýerde döwlet Baştutanymyzy Ministrler Kabinetiniň Başlygynyň käbir orunbasarlary, Aşgabat şäheriniň häkimi, ministrlikleriň we pudaklaýyn dolandyryş edaralarynyň birnäçesiniň ýolbaşçylary garşyladylar.

27 Ýanwar 2021

«Watan goragy soňlanmajak aýdymdyr»

2021-nji ýylyň «Türkmenistan — parahatçylygyň we ynanyşmagyň Watany» diýlip atlandyrylmagy baradaky hoş habar tutuş halkymyz bilen birlikde biz — harby gullukçylaryň hem göwün guşumyzy ganatlandyrdy. Berkarar döwletimiziň bagtyýarlyk döwründe ýurdumyzyň alyp barýan halkara hyzmatdaşlyk, ynanyşmak we dostluk ýörelgelerine esaslanýan içeri we daşary syýasatyny has-da dabaralandyrjak bu ýyl, ata Watanymyza çäksiz söýgi bilen biziň ählimizi mukaddes Garaşsyzlygymyzyň şanly 30 ýyllyk toýuna alyp barýar. Watanymyzyň şanly toýuna barýan hemişelik Bitarap Türkmenistan döwletimizde, hormatly Prezidentimiziň başda durmagynda her ýylda Watan goragçylarynyň güni giň gerimde, şatlyk-şowhunda bellenip geçirilýär. Şeýle şanly ýylda hem bu sene mynasybetli polkownik Rahym Geldiýewiň ýolbaşçylyk edýän garnizonynyň harby gullukçylarynyň gatnaşmaklarynda geçirilen baýramçylyk dabarasy şahsy düzümi ýatdan çykmajak pursatlara besledi. Dabaranyň dowamynda TMÝG-niň etrap geňeşiniň guramagynda, Türkmenistanyň Goranmak ministrliginiň Merkezi serkerdeler öýüniň aýdym-saz toparynyň hem-de etrap medeniýet müdirliginiň medeniýet we sungat ussatlarynyň, şeýle-de Keýmir Serdaryň adyny göterýän harby bölümiň çeper höwesjeňleriniň çykyş etmeklerinde «Watan goragy soňlanmajak aýdymdyr» diýen at bilen baýramçylyk konserti geçirildi. Garnizonyň çäginde ýerleşýän harby bölümlerde gulluk borçlaryny ak ýürekden ýer

27 Ýanwar 2021

Gutlaýarys sizi baýramňyz bilen!

Watan goragynda duran gerçekler,Gutlaýarys sizi baýramňyz bilen!Watan üçin şirin janyn berjekler,Gutlaýarys sizi baýramňyz bilen! Watançy borjuny mukaddes bilip,Kasam edýär: «Watan — janymdyr!» diýip.Biz hem tüýs ýürekden minnetdar bolup,Gutlaýarys sizi baýramňyz bilen!

27 Ýanwar 2021

Iň beýik serpaýdyr — Watan serpaýy!

Merdan HALLYGYLYJOW,podpolkownik: — Mukaddes Garaşsyzlygymyzyň 30 ýyllyk baýramyna uly şatlyk-şowhun bilen taýýarlyk görýän günlerimizde baýramçylyklaryň goşa-goşadan gelmegi, ýagny Watan goragçylarynyň güni mynasybetli dabaralaryň ýaýbaňlandyrylmagy tutuş türkmen halkynyň, ylaýta-da, bu şanly senäniň sebäpkärleri bolan biz — Watan goragçylarynyň buýsanç duýgularyny has-da artdyrýar. Hormatly Prezidentimiziň parasatly baştutanlygynda häzirki wagtda ýurdumyz dünýäde parahatçylygyň, asudalygyň, dostlukly gatnaşyklaryň, ynamly hyzmatdaşlyklaryň ilerleýän merkezine öwrüldi. Halkara derejesindäki şan-şöhraty we at-abraýy has-da ýokary derejelere göterilýän eziz Diýarymyz bu günki günde dünýäde ýaşamak üçin iň bir amatly we asuda döwletleriň biri bolup durýar. Bularyň ählisiniň sakasynda bolsa, hormatly Belent Serkerdebaşymyzyň öňe sürýän başlangyçlarydyr taýsyz tagallalary bar. Dünýä asudalygyny berkarar etmek bilen, ýurdumyzyň parahatçylygyny nazarlaýan milli Liderimiz biz — Watan goragçylarynyň öz mukaddes kärlerinde talabalaýyk zähmet çekmekleri üçin ähli mümkinçilikleri döredýär. Ajaýyp şertleriň döredilmegi hem-de asylly zähmetiň miwesi hökmünde uly hormata mynasyp bolmak harby gulluga bolan höwesiňi has-da artdyryp, täze üstünliklere itergi berýär. Ynha, maňa-da Watan goragçylarynyň güni mynasybetli «Watan öňündäki birkemsiz harby gullugy üçin» atly medalyň II derej

27 Ýanwar 2021

Baýramçylyk dabaralary ýurdumyzyň ähli künjegini gurşap aldy

«Türkmenistan — parahatçylygyň we ynanyşmagyň Watany» diýlip yglan edilen 2021-nji ýylyň ilkinji günlerinde bellenilýän Watan goragçylarynyň güni mynasybetli baýramçylyk çäreleri ýurdumyzyň ähli künjeginde giň gerimde ýaýbaňlandyryldy. Baýramçylyk mynasybetli dabaralar harby we hukuk goraýjy edaralaryň harby gullukçylarynyň we işgärleriniň gatnaşmaklarynda ir säher bilen Türkmenistanyň Goranmak ministrliginiň Berdimuhamet Annaýew adyndaky Ýöriteleşdirilen harby mekdebinde hormatly Prezidentimiziň atasy, ussat mugallym, watançy esger, ilhalar ynsan Berdimuhamet Annaýewiň heýkeline, şeýle hem «Halk hakydasy» ýadygärlikler toplumyna ter gül desselerini goýmak dabarasyndan başlandy. Soňra Türkmenistanyň Goranmak ministrliginiň Merkezi serkerdeler öýünde harby we hukuk goraýjy edaralaryň harby gullukçylarynyň we işgärleriniň gatnaşmaklarynda Watan goragçylarynyň gününe bagyşlanan dabaraly ýygnak geçirildi. Ýygnagyň başynda hormatly Prezidentimiz, ýurdumyzyň Ýaragly Güýçleriniň Belent Serkerdebaşysy, goşun generaly Gurbanguly Berdimuhamedowyň Garaşsyz, hemişelik Bitarap Türkmenistanyň harby we hukuk goraýjy edaralarynyň harby gullukçylaryna we işgärlerine ugradan Gutlagy okaldy.

27 Ýanwar 2021

Watan mukaddesdir

Golaýda Aşgabat şäher Medeniýet müdirliginiň Bagtyýarlyk medeniýet öýünde Watan goragçylarynyň güni mynasybetli «Sylagymyzam, sarpamyzam Watandyr» ady bilen aýdym-sazly dabara geçirildi. Aşgabat şäher Medeniýet müdirliginiň Gypjak hem-de Bagtyýarlyk medeniýet öýleriniň bilelikde guramagynda geçirilen çärede eziz Diýarymyzyň asudalygyny üpjün edýän Watan goragçylarynyň merdanalygy dogrusynda giňişleýin çykyşlara orun berildi.

27 Ýanwar 2021

Şanly ýylyň batly gadamlary

Hawa, ýurdumyzda geçen 30 ýyla golaý wagtyň dowamynda örän köp özgerişlikler bolup geçdi. Ýurdumyzyň ähli welaýatlary, obalary döwrebap derejede düýpli özgerdi. Ýyl-ýyldan bolsa täze ýetilýän sepgitler, gazanylýan netijeler, öňegidişlikler has-da artýar. Ynha, bu ýyl hem mukaddes Garaşsyzlygymyzyň şanly 30 ýyllygy mynasybetli ýurdumyzda öňde goýlan birnäçe maksatlar bar. Olara mysal hökmünde: ýurdumyzda sanly ulgamy kämilleşdirmek maksady bilen «Elektron hökümet» ulgamyny döretmek, şeýle hem bu maksat boýunça sanly bilim we sanly lukmançylyk ulgamyny kämilleşdirmek, şanly senä bagyşlanan ýurdumyzyň içinde we dürli halkara derejesindäki ýaryşlary geçirmek, ýurdumyz boýunça birnäçe täze desgalaryň açylyp ulanylmaga berilmegi, oba hojalyk önümlerini wagtynda ösdürip ýetişdirmek we başga-da birnäçe pudaklaýyn maksatnamalar. Geçirilmegi göz öňünde tutulýan halkara çäreleriniň hatarynda daşary döwletleriň estrada aýdymçylarynyň gatnaşmaklarynda meşhur türkmen aýdymyny ýerine ýetirmegiň ussatlygy boýunça halkara bäsleşigi, Merkezi Aziýa ýurtlarynyň baş dizaýnerleriniň arasynda bezeg işlerini yglan etmek meýilleşdirilýär. Maksatlaryň iň esasysy hökmünde, Garaşsyzlygymyzyň şanly 30 ýyllygy mynasybetli geçiriljek dabaranyň täze açyljak Hökümet münberinde geçiriljekdigini buýsanç bilen belläp bileris. Şol sebäpli Garaşsyzlyk baýramymyz mynasybetli her ýylky geçirilýän dabaraly ýöriş şu ýy

27 Ýanwar 2021

Watan goragy – mukaddes borç

«Türkmenistan — parahatçylygyň we ynanyşmagyň Watany» ýylynda Watan goragçylarynyň güni mynasybetli ýurdumyzyň ähli künjeklerinde, harby we hukuk goraýjy edaralarynda, şeýle-de orta mekdepleriň ýokary synplarynda okaýan okuwçy oglanlaryň arasynda maslahatlar, wagyz-nesihat duşuşyklary, aýdym-sazly baýramçylyk dabaralary giňden ýaýbaňlandyryldy. Şeýle çäreleriň biri hem Babadaýhan etrabynyň 17-nji orta mekdebinde bilim alýan ýokary synp okuwçy oglanlaryň arasynda «Watan goragy — mukaddes borç» atly şygar astynda geçirilen wagyz-nesihat duşuşygydyr. Bu wagyz-nesihat duşuşygyna TMÝG-niň etrap geňeşiniň, etrap bilim bölüminiň, etrap harby wekilliginiň we jemgyýetçilik guramalarynyň wekilleri gatnaşdylar. Uly ruhubelentlige beslenen wagyz-nesihat duşuşygynda çykyş edenler ýaşlarymyzyň watançylyk ruhunda terbiýelenmeklerini gazanmak maksady bilen, Watan goragynyň mukaddesligi, türkmen halkynyň geçmişde ençeme beýik-beýik döwletleri döredip, dünýä ýüzüne ýaň salan halkdygy barada giňişleýin söhbet etdiler. Şeýle-de duşuşygyň dowamynda hormatly Prezidentimiziň pähim-parasatly baştutanlygynda binýat edilen Berkarar döwletimiziň bagtyýarlyk döwründe eziz Diýarymyzyň röwşen geljegi, ýagty ertirlerimiziň daýanjy bolan ýaş nesillerimizi ahlak, watançylyk, ynsanperwerlik ruhunda terbiýelemäge aýratyn uly üns berilýändigi, bu babatda mähriban Arkadagymyzyň atalyk kitaplarynyň ýaşlarymyz üçin

27 Ýanwar 2021

Garaşsyzlyk — buýsanjymyz, bagtymyz

2021-nji ýylyň «Türkmenistan — parahatçylygyň we ynanyşmagyň Watany» diýlip atlandyrylmagy mähriban halkymyzyň eziz Diýarymyza bolan buýsanjyna buýsanç goşdy. Mukaddes Garaşsyzlygymyzyň şanly 30 ýyllygy belleniljek ýylda ýurdumyz döretmegiň we gurmagyň ýoly bilen öňe gidip, bedew batly ösüşleriň has-da belent sepgitlerine eýe bolar. Özygtyýarlylyk, erkinlik, asudalyk, parahatçylyk ýaly jümleleriň ählisi hem «Garaşsyzlyk» diýen nurana sözden gözbaş alýar. Ýurdumyzyň Garaşsyzlygy hem hut şol ýörelgelerden binýat bolandyr. Ata Watanymyzyň Garaşsyzlygyna merdana ata-babalarymyzyň abadan, parahat durmuşda ýaşamak baradaky arzuw-islegleri siňendir. Arzuwlar belent maksatlara öwrülende beýik işler amala aşýar hem-de dünýäni haýrana goýýar.

27 Ýanwar 2021

Milli demokratiýanyň täze ýalkymy

Berkarar döwletiň bagtyýarlyk döwründe hormatly Prezidentimiziň çuňňur pähim-paýhasa ýugrulan mukaddes ýörelgeleri netijesinde parahatçylyksöýüjilikli, döredijilikli ösüşler bilen ynamly öňe barýan Garaşsyz, hemişelik Bitarap ýurdumyz her bir raýatyň hukuklaryny we azatlyklaryny kepillendirip, jemgyýetiň asudalygyny hem-de agzybirligini üpjün etmäge, halk häkimiýetiniň we hukuk döwletiniň esaslaryny berkarar etmäge gönükdirilen demokratik ýoly saýlap aldy. Geçen ýylyň 25-nji sentýabrynda hormatly Prezidentimiziň ýolbaşçylygynda geçirilen Türkmenistanyň Halk Maslahatynyň taryhy mejlisinde «Türkmenistanyň Konstitusiýasyna üýtgetmeler we goşmaçalar girizmek hakynda» Türkmenistanyň Konstitusion Kanunynyň taslamasy mejlise gatnaşyjylara hödürlenildi. Bu hukuk resminamasy Halk Maslahatynyň karary bilen biragyzdan makullanyldy we Türkmenistanyň Mejlisi tarapyndan kabul edildi. Döwlet Baştutanymyzyň iki palataly Parlament ulgamyna geçmek bilen bagly başlangyjy syýasy-hukuk özgertmeleriň täze tapgyryny alamatlandyryp, ýurdumyzyň syýasy we jemgyýetçilik ulgamynyň öňünde jogapkärli wezipeleri goýdy. Şunuň bilen baglylykda «Döwlet häkimiýetiniň ýerli wekilçilikli edaralary hakynda», şeýle hem «Türkmenistanyň Saýlaw kodeksine üýtgetmeler we goşmaçalar girizmek hakynda» Türkmenistanyň Kanunlary kabul edildi. Gahryman Arkadagymyzyň tagallalary bilen parlamentiň hil taýdan täze, iki palataly

27 Ýanwar 2021

Döwletliligiň egsilmez güýji

Şu ýyl biz hemişelik Bitarap Watanymyzyň Garaşsyzlygynyň şanly 30 ýyllygyny ýokary ruhubelentlik ýagdaýynda milli Liderimiziň töweregine has-da jebisleşip, giňden we dabaraly ýagdaýda belläris. Eziz Diýarymyzyň Garaşsyzlyk güni mähriban halkymyz üçin aýratyn taryhy senedir. Bu senede berkarar Watanymyzyň şöhratly taryhy, üstünliklere beslenen häzirki güni hem-de beýik geljegi şöhlelenýär. Çünki şol gün halkymyzyň asyrlaryň dowamynda köňlünde besläp gelen erkin, özygtyýarly, Garaşsyz döwlet gurmak baradaky arzuw-maksatlary hasyl boldy.

27 Ýanwar 2021

Watansöýüjiligiň nusga alarlyk göreldesi

Ähli döwürlerde-de Watan goragy mukaddes we jogapkärli borç hasap edilipdir. Türkmen halkynyň taryhyny açyp görkezýän çeşmeler ene topragy duşmanlardan goramak, ilatyň parahat we asuda durmuşyny üpjün etmek üçin gerçekleriň janyny aýamandyklaryna şaýatlyk edýär. Halk gahrymanlaryny hiç wagt ýatdan çykarmaýar. Olaryň atlary ebedileşdirilýär, bitiren hyzmatlary adamlaryň ýadynda müdimi ýaşaýar, görkezen gaýduwsyzlyklary bu günki Watan goragçylary üçin görelde bolup hyzmat edýär. Ata-babalarymyzyň wesýetlerine wepaly ýaşlar bu gün ýurdumyzyň goragynda berk durýarlar. Hormatly Prezidentimiz olaryň gulluk we durmuş şertlerini gowulandyrmak ugrunda hemişe aladalanýar. Milli goşunyň maddy-tehniki üpjünçiliginiň yzygiderli gowulandyrylmagy, Watan goragçylary üçin ähli amatlylyklary bolan ýaşaýyş jaýlarynyň gurulmagy munuň aýdyň mysalydyr. Hut ýakynda hem Kerki serhet birikmesinde serhet galasynyň täze binasy we serhetçiler üçin ýaşaýyş jaý toplumy ulanylmaga tabşyryldy.

27 Ýanwar 2021

Saglygyň sakasy — arassaçylyk

TMÝG-niň Balkanabat şäher geňeşiniň we «Türkmennebit» döwlet konserniniň şahamçasynyň bilelikde guramaklarynda Balkanabat nebitçilik orta hünär okuw mekdebinde «Saglygyň sakasy — arassaçylyk» ady bilen wagyz-ündew duşuşygy geçirildi. Duşuşykda ynsan saglygy ähli zatdan ileri tutulýan ýurdumyzda howa şertleriniň adam bedenine ýetirýän oňaýsyz täsirleriniň hem-de dürli ýokanç keselleriň öňüni almak maksady bilen alnyp barylýan göreş çäreleri barada giňişleýin gürrüň edildi. Ilatyň, şol sanda ýaşlaryň arasynda sagdyn durmuş kadalaryny wagyz-nesihat etmek we giňden ornaşdyrmak ugrunda alnyp barylýan toplumlaýyn işleriň döwletimizde ynsan saglygynyň ileri tutulýandygyna doly şaýatlyk edýändigini çykyş edenler buýsanç bilen bellediler. Şeýle-de, çykyşlarda dogry iýmitlenmegiň, arassaçylyk kadalaryny berk berjaý etmegiň we bedenterbiýe maşklaryny ýerine ýetirmegiň saglygyň girewidigi nygtaldy. Jemgyýetçilik ýerlerinde iki metr howpsuz araçägi saklamak, agyz-burun örtüklerini dakynmak, elleri ýygy-ýygydan sabynlap ýuwmak, düzüminde ýokumly maddalar bolan gök-miwe önümlerini köpräk iýmek talyplara maslahat berildi.

27 Ýanwar 2021

Ýörelgämiz — dost-doganlyk

Hormatly Prezidentimiziň teklibi boýunça BMG-niň Baş Assambleýasynyň «2021-nji ýyl — Halkara parahatçylyk we ynanyşmak ýyly» diýlip yglan etmek baradaky Kararnamasynyň kabul edilmegi biziň ýurdumyzyň parahatçylyk söýüjilikli syýasatynyň dabaralanýandygynyň ýene-de bir subutnamasydyr. Parahatçylyk we ynanyşmak adamzat üçin iň zerur düşünjelerdir. Häzirki wagtda biri-biri bilen aýrylmaz baglanyşykly bu ýörelgeler hyzmatdaşlygyň we ösüşiň baş şertine öwrülýär. Dünýäniň ähli halklary üçin ählumumy howpsuzlyk hem-de abadançylyk, ösüş we ynsanperwerlik, ruhy kämillik we dostluk, bularyň ählisi, Bitarap döwletiň Baştutany hökmünde çykyş edýän türkmen Lideriniň öňe sürýän taglymatlarynda öz beýanyny tapýar.

27 Ýanwar 2021

‹
1
2
...
592
593
594
595
596
597
598
...
601
602
›