"Güneş" žurnaly

Esaslandyryjysy: Türkmenistanyň Ministrler Kabineti
Salgysy: Aşgabat şäheri, Garaşsyzlyk şaýoly, 100, Türkmenbaşynyň erkin döredijilik mekany
Telefon belgileri: 38-61-68, 38-61-70, 38-61-59
Email: gunesh_tm@sanly.tm

Gazeti PDF görnüşinde ýükläp almak

Habarlar

Ýylyň ýeňil atletikaçylary saýlandy

Bü­tin­dün­ýä ýe­ňil at­le­ti­ka fe­de­ra­si­ýa­sy (World Ath­le­tics) ýy­lyň ýe­ňil at­le­ti­ka­çy­la­ry­ny saý­la­dy. Ýy­lyň er­kek ýe­ňil at­le­ti­ka­çy­sy diý­lip, bots­wa­na­ly Let­si­le Te­bo­go, ze­nan ýe­ňil at­le­ti­ka­çy­sy diý­li­bem ni­der­land Si­fan Has­san saý­lan­dy. 21 ýa­şyn­da­ky Te­bo­go Olim­pi­ýa oýun­la­ryn­da 200 met­re yl­ga­mak­da ýur­du­na il­kin­ji al­tyn me­da­ly­ny ga­zan­dy­ryp­dy. Ol to­par­la­ýyn 4x400 metr es­ta­fe­ta yl­ga­wyn­da-da ýur­du­nyň bü­rünç me­dal ga­zan­ma­gy­na uly go­şant go­şup­dy. Bots­wa­na­ly sprin­ter nor­we­gi­ýa­ly Ýa­kob In­geb­rigt­sen, şwe­si­ýa­ly Ar­mand Dup­lan­tis, ek­wa­dor­ly Bra­ýan Pin­ta­do, gre­si­ýa­ly Mil­tia­dis Ten­tog­lu, efio­pi­ýa­ly Ta­mi­rat To­la ýa­ly ýy­lyň do­wa­myn­da dür­li ugur­lar­da özü­ni gör­ke­zen tür­gen­ler­den öňe saý­lan­ma­gy ba­şar­dy.

6 Dekabr 2024

Sport

«Arkadag» topary — Naýbaşy kubogyň eýesi

«Arkadag» futbol topary Türkmenistanyň Naýbaşy kubogy ugrunda geçirilen oýunda «Ahaly» ýeňlişe sezewar etdi. Balkanabat şäherinde bolan duşuşyk 3:1 hasabynda Arkadag şäheriniň adybir toparynyň ýeňşi bilen tamamlandy. Şeýlelikde, 2023-nji ýylda döredilen «Arkadag» topary Türkmenistanyň Naýbaşy kubogyna ilkinji gezek mynasyp boldy. Onuň şu ýylyň dowamynda duşuşyklaryň 35-sini geçirendigini bellemek gerek. Topar olaryň 29-syny Türkmenistanyň futbol çempionatynyň Ýokary ligasynda, 2-sini Kubok bäsleşiginde, 3-sini bolsa AFK-nyň Çagyryş kubogynda geçirdi.

6 Dekabr 2024

Sport

«Arkadag» topary — Naýbaşy kubogyň eýesi

Futbol 4-nji dekabrda Balkanabat şäheriniň köpugurly sport toplumynyň ajaýyp stadionynda Türkmenistanyň futbol boýunça Naýbaşy kubogyny eýelemek ugrundaky oýun geçirildi. Ýurdumyzyň çempiony hem-de Kubogynyň eýesi  Arkadag şäheriniň «Arkadag» topary bilen geçen möwsümde Kubok ugrundaky ýaryşyň finalyna çykan Ahal welaýatynyň Änew şäheriniň «Ahal» toparynyň arasyndaky duşuşyk gyzykly häsiýete eýe boldy.

5 Dekabr 2024

Sport

Sport ýaryşynyň etrap tapgyry

«Türkmenistan — ruhubelentligiň we sagdynlygyň ýurdy» atly XIV spartakiadanyň çäginde sportuň gandbol görnüşi boýunça okuwçy oglanlaryň arasynda ýaryşyň Sarahs etrap tapgyry etrapdaky 27-nji orta mekdepde geçirildi. Oňa etrabymyzyň çägindäki bilim ojaklaryndan toparlar gatnaşyp, özara ýaryşdylar. «Türkmenistan» Ýaşlar bedenterbiýe-sport guramasynyň welaýat bölümi, etrabyň bedenterbiýe we sport bölümi hem-de etrap bilim bölümi tarapyndan guramaçylyk ýagdaýynda geçen ýaryşda etrapdaky 26-njy orta mekdebiň topary birinji, 6-njy orta mekdebiň topary ikinji, 27-nji orta mekdebiň topary üçünji orunlara mynasyp boldular. Ýaryşyň ýeňijisi spartakiadanyň welaýat tapgyryna gatnaşmaga hukuk gazandy.

4 Dekabr 2024

Sport

Okuwçy gyzlaryň sport ussatlygy

Kaka etrabynyň sport mekdebinde «Türkmenistan — ruhubelentligiň we sagdynlygyň ýurdy» atly XIV spartakiadanyň çäginde sportuň gandbol görnüşi boýunça okuwçy gyzlaryň arasynda ýaryş geçirildi. Ony “Türkmenistan” Ýaşlar bedenterbiýe-sport guramasynyň welaýat bölümi, etrabyň bedenterbiýe we sport bölümi, etrap bilim bölümi hem-de jemgyýetçilik guramalary bilelikde gurady. Etrapdaky mekdeplerden gelen okuwçy gyzlar öz aralarynda ýaryşdylar. Ussat, güýçli toparlary ýüze çykarmakda uly ähmiýete eýe bolan ýaryşyň netijesinde etrapdaky 14-nji orta mekdebiň topary birinji, 18-nji orta mekdebiň topary ikinji, 21-nji orta mekdebiň topary üçünji orunlara mynasyp boldular. Birinji orna mynasyp bolan topar spartakiadanyň welaýat tapgyryna gatnaşar.

4 Dekabr 2024

Sport

Çekeleşikli tutluşyklar

Änew şäherindäki 3000 orunlyk sport toplumynda «Türkmenistan — ruhubelentligiň we sagdynlygyň ýurdy» atly XIV spartakiadanyň çäginde türkmen milli göreşi boýunça ýaryşyň Ak bugdaý etrap tapgyry geçirildi. Bu ýaryş «Türkmenistan» Ýaşlar bedenterbiýe-sport guramasynyň welaýat bölümi, etrabyň bedenterbiýe we sport bölümi, etrap bilim bölümi hem-de jemgyýetçilik guramalary tarapyndan guraldy. Etrapdaky orta mekdeplerden gelen okuwçy oglanlar degişli agram derejeleri boýunça ussatlygyny görkezdiler. Ýaryşyň netijesinde 40 kilogram agram derejesinde etrapdaky 50-nji orta mekdebiň okuwçysy Taganmämmet Mämmedow, 45 kilogram agram derejesinde hem şol mekdebiň okuwçysy Ýazmämmet Mämmedow, 57 kilogram agram derejesinde ýöriteleşdirilen 28-nji orta mekdebiň okuwçysy Ýakup Ymamberdiýew, 62 kilogram agram derejesinde 7-nji orta mekdebiň okuwçysy Kemal Daňlyýew, 68 kilogram agramda 50-nji orta mekdebiň okuwçysy Gurbanberdi Mämmedow, 74 kilogram agramda 35-nji orta mekdebiň okuwçysy Emir Berdiýew ýeňiji boldy.

4 Dekabr 2024

Sport

Çempionatyň soňky tapgyrlary

Futbol Futbol boýunça milli çempionatymyzyň soňky iki tapgyrynyň oýunlary geçirildi. 31-nji tapgyrda Balkanabadyň «Nebitçi» topary myhmançylykda Ahal welaýatynyň Änew şäheriniň «Ahal» topary bilen duşuşdy. Ýer eýeleriniň artykmaçlygynda geçen oýunda olardan 27-nji minutda 11 metrlik jerime urgusyndan hasaby açan Elman Tagaýew 89-njy minutda soňky netijäni hem mälim etmegi başardy.

4 Dekabr 2024

Sport

Botwinnigiň Balkanabatda bolmagy

Küşt boýunça dünýäniň çempiony, grossmeýster, tehniki ylymlaryň doktory Mihail Moiseýewiç Botwinnik hem-de SSSR-iň sport ussady, halkara derejeli emin Lew Ýakowlewiç Abramow 1971-nji ýylda güneşli Diýarymyza myhmançylyga gelýärler. Olar ýurdumyzda bolmaklarynyň çäklerinde şol wagtlar Nebitdag diýlip atlandyrylýan häzirki Balkanabat şäherinde hem birnäçe günläp bolýarlar. Ussatlaryň nebitçileriň şäherinde bolan günleri hakynda küştçi, respublikan derejeli emin Nikolaý Nikolaýewiç Iwanowyň miras galdyran ýazgysy okanyňa örän degýär. Küşt oýny hem-de sportuň bu görnüşiniň ägirtleriniň ykballary, onda-da olaryň türkmen topragyna dahylly ýerleri bilen gyzyklanýanlar üçin diýseň täsirli bolar diýen niýet bilen, şol ýazgynyň türkmen diline edilen terjimesini okyjylara hödürleýäris. Ýazgydaky ýerleriň, edara-kärhanalaryň atlarynyň hem-de degişli adalgalaryň şol döwürde atlandyrylyşy we aýdylyşy ýaly berilýändiginem öňünden ýatladýarys.

4 Dekabr 2024

Sport

Ýaş pälwanlar göreş tutdular

Ýaşlaryň berk bedenli, sagdyn ruhly, sporta höwesli bolup ýetişmeginde «Türkmenistan — ruhubelentligiň we sagdynlygyň ýurdy» atly XIV spartakiadanyň çäginde mekdep okuwçylarynyň arasynda geçirilýän ýaryşlaryň ähmiýeti uludyr. Şu günler spartakiadanyň çägindäki sport ýaryşlarynyň Gökdepe etrap tapgyrlary uly gyzyklanma döredýär. Türkmen milli göreşi boýunça etrapdaky 30-njy orta mekdebiň sport zalynda geçirilen ýaryşda ukyp-başarnygyny görkezmäge höwes edenler köp boldy. Orta mekdeplerden gelen ýaş pälwanlar — okuwçy oglanlar 40; 45; 48; 52; 57; 62; 68; 74 kilogram agram derejelerinde özara güýç synanyşdylar. «Türkmenistan» Ýaşlar bedenterbiýe-sport guramasynyň welaýat bölümi, etrap bilim bölümi hem-de etrabyň bedenterbiýe we sport bölümi tarapyndan ýokary guramaçylyk derejesinde geçirilen ýaryşda güýçlüler öňe saýlanyp, ýeňijiler toparlaýyn kesgitlendi.

3 Dekabr 2024

Sport

Welaýatymyzyň iň ökde gandbol toparlary kesgitlenildi

Türkmenabat şäherindäki 1-nji sport mekdebinde 2010 — 2011-nji ýyllarda doglan ýetginjekleriň arasynda welaýat birinjiliginiň ikinji tapgyrynyň duşuşyklary geçirildi. Oglanlaryň arasyndaky ýaryşa bäş, gyzlaryň ýaryşyna bolsa dört topar gatnaşdy. Oglanlaryň arasyndaky ýaryşda Türkmenabat şäherine wekilçilik eden birinji topara taý tapylmady. Ýaryşda Dänew etrabynyň birinji topary ikinji, Köýtendag etrabyndan gelen gandbolçylar bolsa üçünji orunlary eýelediler.

3 Dekabr 2024

Sport

Lebaply dzýudoçylar ― döwlet ýaryşynyň ýeňijileri

Welaýatymyzyň dzýudo boýunça ýygyndysy ýakynda paýtagtymyzda geçirilen Türkmenistanyň kubogy ugrundaky ýaryşda toparlaýyn hasapda birinji orny eýeledi. Ýaryşa paýtagtymyzdan we ýurdumyzyň sebitleriniň ählisinden iň güýçli dzýudoçy türgenler gatnaşdylar. Lebaply dzýudoçylary jogapkärli ýaryşa Türkmenabat şäherindäki 4-nji sport mekdebiniň tälimçi-mugallymlary Baýramdurdy Halyllaýew, Nasiba Hallyýewa, Madina Babakulyýewa, Zarina Saparowa we Raşit Tursunow dagy taýýarladylar.

3 Dekabr 2024

Sport

Tejenli ýaş pälwanlar güýç synanyşdylar

«Türkmenistan — ruhubelentligiň we sagdynlygyň ýurdy» atly XIV spartakiadanyň çäginde türkmen milli göreşi boýunça geçirilýän ýaryşlaryň etrap tapgyrlary ruhubelentlige eýe bolýar. Munuň şeýledigini ýaryşyň Tejen etrap tapgyry hem subut etdi. Etrapdaky 42-nji orta mekdebiň sport zalynda geçen ýaryşa etrabyň çägindäi umumybilim berýän mekdeplerde bilim alýan ýaşlaryň köp sanlysy gatnaşdy. Okuwçy oglanlar degişli agram derejeleri boýunça ussatlygyny görkezdiler. «Türkmenistan» Ýaşlar bedenterbiýe-sport guramasynyň welaýat bölümi, etrabyň bedenterbiýe we sport bölümi, etrap bilim bölümi hem-de jemgyýetçilik guramalary tarapyndan guralan ýaryşyň netijesinde 40 kilogram agram derejesinde etrapdaky 5-nji orta mekdebiň okuwçysy Baýrammyrat Atamyradow, 45 kilogram agram derejesinde şol mekdepden Sähetmmyrat Atamyradow, 48 kilogram agram derejesinde 30-njy orta mekdebiň okuwçysy Mälikberdi Gurbandurdyýew, 52 kilogram agram derejesinde 30-njy orta mekdebiň okuwçysy Atageldi Atageldiýew, 57 kilogram agram derejesinde 35-nji orta mekdebiň okuwçysy Serdar Baýymow, 62 kilogram agram derejesinde 36-njy orta mekdebiň okuwçysy Gadyrgeldi Saparow, 68 kilogram agramda 41-nji orta mekdebiň okuwçysy Azat Durdygulyýew, 74 kilogram agramda 20-nji orta mekdebiň okuwçysy Pälwan Rejebow üstün çykdy. Agzalan ýaş pälwanlar ýaryşyň welaýat tapgyryna gatnaşmaga mümkinçilik gazandylar.

2 Dekabr 2024

Sport

Milli göreş boýunça ýaryş

Babadaýhan etrabynyň sport mekdebinde «Türkmenistan — ruhubelentligiň we sagdynlygyň ýurdy» atly XIV spartakiadanyň çäginde türkmen milli göreşi boýunça geçirilen ýaryşa etrapdaky orta mekdeplerden okuwçy oglanlaryň onlarçasy gatnaşdy. Ýaş nesliň sagdyn ruhly, berk bedenli bolup ýetişmegini gazanmak, sport ussatlygyny ýokarlandyrmak babatynda uly ähmiýete eýe bolan bu ýaryş «Türkmenistan» Ýaşlar bedenterbiýe-sport guramasynyň welaýat bölümi, etrabyň bedenterbiýe we sport bölümi, etrap bilim bölümi hem-de jemgyýetçilik guramalary tarapyndan guraldy. Dürli agram derejelerinde geçen tutluşyklarda ýaş pälwanlaryň arasyndan güýçlüler ýüze çykdy. Şeýlelikde, 40 kilogram agram derejesinde etrapdaky 19-njy orta mekdebiň okuwçysy Almaz Mergenow, 45 kilogram agram derejesinde 12-nji orta mekdebiň okuwçysy Rahman Agaýew, 48 kilogram agram derejesinde hem şol mekdebiň okuwçysy Pena Gidmanow, 52 kilogram agram derejesinde 20-nji orta mekdebiň okuwçysy Gadam Goçmyradow, 57 kilogram agram derejesinde 17-nji orta mekdebiň okuwçysy Döwlet Mergenow, 62 kilogram agram derejesinde 7-nji orta mekdebiň okuwçysy Sähergeldi Hojagulyýew, 68 kilogram agramda 12-nji orta mekdebiň okuwçysy Yslam Gulgeldiýew, 74 kilogram agramda 4-nji orta mekdebiň okuwçysy Süleýman Baýmyradow ýeňiji boldy.

2 Dekabr 2024

Sport

Gandbol ýaryşynda

«Türkmenistan — ruhubelentligiň we sagdynlygyň ýurdy» atly XIV spartakiadanyň çäginde sportuň gandbol görnüşi boýunça okuwçy oglanlaryň arasyndaky ýaryşyň Kaka etrap tapgyry uly gyzyklanma eýe boldy. Etrabyň sport mekdebinde geçen ýaryşa etrapdaky orta mekdeplerden okuwçy oglanlardan ybarat toparlar gatnaşdylar. Ýaryşdaky duşuşyklar güýçli toparlara öňe saýlanmaga mümkinçilik berdi. “Türkmenistan” Ýaşlar bedenterbiýe-sport guramasynyň welaýat bölüminiň, Türkmenistanyň Magtymguly adyndaky Ýaşlar guramasynyň welaýat we etrap Geňeşleriniň, etrabyň bedenterbiýe we sport bölüminiň, etrap bilim bölüminiň hem-de jemgyýetçilik guramalarynyň bilelikde guramagynda geçen ýaryşda etrapdaky 15-nji orta mekdebiň topary birinji, 17-nji orta mekdebiň topary ikinji, 20-nji orta mekdebiň topary üçünji orny eýeledi.

2 Dekabr 2024

Sport

“Arkadag” toparynyň ýeňişli ýoly dowam edýär

Ýakynda Türkmenistanyň futbol çempionatynyň Ýokary ligasynyň 31-nji tapgyrynyň duşuşyklary geçirildi. Futbol çempionatymyzyň tamamlanmagyna birnäçe tapgyr galanda bassyr ikinji çempionlygyny gazanan Arkadag şäheriniň adybir toparynyň ýeňişli ýoly bu tapgyrdan soň hem dowam etdi. Paýtagtymyzda geçirilen duşuşykda «Köpetdag» bilen duşuşan “Arkadag” topary garşydaşynyň derwezesine jogapsyz toplaryň 8-sini geçirmegi başardy. Topara ýeňiş getiren toplaryň üçüsini çempionatyň iň köp gol geçiren oýunçylarynyň arasynda öňdäki orny eýeleýän Didar Durdyýew öz adyna ýazdyrdy. Netijeli oýny ezber hüjümçä çempionatyň dowamynda geçiren toplarynyň sanyny 29-a ýetirmäge mümkinçilik berdi. Şeýle-de bu duşuşykda Ilýa Tamurkin, Begmyrat Baýow, Şamämmet Hydyrow, Nazar Towakelow hem-de Enwer Annaýew tapawutlandylar. Ýokary liganyň futbol klublarynyň ýaşlar düzümleriniň gatnaşmagyndaky futbol boýunça Türkmenistanyň birinjiliginde “Arkadag II” toparynda çykyş edýän Enwer Annaýewiň uly toparyň düzüminde tapawutlanandygy örän begendirýär. Çünki “Arkadag” toparynyň düzüminde ýaş futbolçylaryň hem netije bermekleri golaý geljekde milli ýygyndymyzyň halkara giňişlikdäki çykyşlaryna öz oňyn täsirini ýetirjekdigine ynamyňy artdyrýar.

2 Dekabr 2024

Sport

ÝÇL-de 6-njy tapgyr: «Real» we «Sitiden» şowsuzlyk

Geçen hepde Ýewropa çempionlar ligasynyň 5-nji tapgyrynyň oýunlary geçirildi. Tapgyryň merkezi oýnunda «Liwerpul» öz öýünde «Realy» 2:0 hasabynda ýeňlişe sezewar etdi. Şeýlelikde, «Real» ÝÇL-iň çempiony hökmünde toparçalaýyn tapgyrda 3 gezek ýeňlen ilkinji topar bolup taryha girdi. Mundan başga-da, tapgyryň ýene bir esasy oýnunda «Bawariýa» öz meýdançasynda «PSŽ» toparyndan 1:0 hasabynda üstün çykdy. Tapgyryň iň garaşylmadyk netijesi «Mançester Siti» — «Feýenord» gapma-garşylygynda hasaba alyndy. Bu oýunda «Mançester Siti» 75-nji minutda 3:0 hasabynda öňde barýan hem bolsa, ahyrda ýeňşi elden giderdi. «Feýenord» oýnuň ahyrky böleginde 3 gol urup, duşuşygy deňlikde tamamlamagy başardy. Ýeri gelende bellesek, «Mançester Siti» ÝÇL-de 75-nji minutda 3 gol aratapawut bilen öňde barýarka ýeňiji bolup bilmedik ilkinji topar hökmünde taryha ýazyldy. 5-nji tapgyrdan soňra 15 utuk toplan «Liwerpul» turnir tablisasyndaky liderligini dowam etdirýär. Şeýle-de 1/8 finala ýollanma berýän ilkinji sekizlikde häzirlikçe «Inter» (13 utuk), «Barselona», «Borussiýa» (ikisem 12 utuk), «Atalanta» (11 utuk), «Baýer», «Arsenal», «Monako» (üçüsem 10 utuk) toparlarynyň atlary bar. ÝÇL-iň 6-njy tapgyry 10-11-nji dekabrda geçiriler. 

1 Dekabr 2024

Sport

Iň köp eýs eden tennisçi

Dünýäniň 2-nji raketkasy germaniýaly Aleksandr Zwerew 2024-nji ýylda iň köp eýs urgusyny amala aşyran erkek tennisçi hökmünde ykrar edildi. Ol tamamlanyp barýan ýylda 797 gezek eýs urgusyny geçiripdir. Bu ugurda ikinji orny şeýle urgularyň 736 sanysyny geçiren polşaly Hubert Hurkaç eýeledi. Şeýle-de ilkinji bäşlikde amerikaly tennisçiler Teýlor Friziň (725 eýs) we Ben Şiltonyň (619 eýs), russiýaly Andreý Rublýowyň (578 eýs) ady bar. Ýerine gelende bellesek, eýsler boýunça reýtingiň lideri Aleksandr Zwerew 2024-nji ýylda ATP ýaryşlarynyň ikisinde çempion boldy hem-de «Rolan Garros» «uly tuwulgasynda» finala çykmagy başardy.

1 Dekabr 2024

Sport

Maskerano Messä halypalyk eder

Lionel Messiniň ozalky topardaşy Hawýer Maskerano indi oňa halypalyk eder. Has takygy, Hawýer Makserano häzirki wagtda düzüminde Messi oýnaýan «Inter Maýami» toparynyň baş tälimçiligine bellenildi. Ol amerikan kluby bilen 2027-nji ýyla çenli niýetlenilen şertnama gol çekişdi. Degişli resminamalar düzedileninden soňra, Maskerano täze toparynda işe girişer. Maglumat üçin, Messi we Maskerano birwagtlar «Barselonada» bile oýnapdylar. Şeýle-de Maskeranonyň täze toparyndaky şägirtleriniň arasynda Serhio Buskets, Luis Suarez we Jordi Alba ýaly ozalky topardaşlary hem bar.

1 Dekabr 2024

Sport

Ildeşimiz 1 million amerikan dollarlyk ýeňiş gazandy

Türkmenistanly türgen Döwletjan Ýagşymyradow taryhy ýeňiş gazandy. Has takygy, ol «Professional Fighters League» («PFL») promouşeniniň Gran-pri turniriniň finalynda amerikaly Impa Kasamganaýy ýeňlişe sezewar etdi. Tutluşyk Saud Arabystanynyň Er-Riýad şäherinde geçirilip, Döwletjan eýýäm birinji raundyň birinji minutynda garşydaşyny yzly-yzyna urgular geçirmek arkaly nokauta düşürmegi başardy. Şeýlelikde, ildeşimiz ýarymagyr agramda «PFL-iň» 2024-nji ýylky möwsüminiň çempiony boldy. Bu ýeňişde Döwletjan 1 million amerikan dollary möçberinde pul baýragyna hem mynasyp boldy.

1 Dekabr 2024

Sport

«Formula-1-de» täze topar peýda bolar

«Formula-1» ýaryşlarynda täze topar peýda bolar. Has anyk aýtsak, 2026-njy ýyldaky möwsümden başlap, «Kadillak» topary «Formula-1» ýaryşynda çykyş edip ugrar. Ol «General Motors» hem-de «TWG Global» kompaniýalary tarapyndan bilelikde esaslandyrylar. Bu topar deslapky 2 möwsüminde kärende hereketlendirijilerden peýdalanar. 2028-nji ýyldan başlap bolsa, hereketlendirijileri özi öndürmäge girişer. «Formula-1-de» ilkinji gezek gatnaşjak bu toparyň direktory amerikaly rowaýaty sürüji Mario Andretti bolar. Ýeri gelende, onuň 1978-nji ýylda «Formula-1» möwsüminiň çempiony bolandygy bellärliklidir.

1 Dekabr 2024

Sport