"Güneş" žurnaly

Esaslandyryjysy: Türkmenistanyň Ministrler Kabineti
Salgysy: Aşgabat şäheri, Garaşsyzlyk şaýoly, 100, Türkmenbaşynyň erkin döredijilik mekany
Telefon belgileri: 38-61-68, 38-61-70, 38-61-59
Email: gunesh_tm@sanly.tm

Gazeti PDF görnüşinde ýükläp almak

Habarlar

Ýaşlaryň erjelligi

Ak bugdaý etrabynyň sport mekdebinde giň göwrümli sport-sagaldyş çäresi geçirildi. Etrap häkimligi, etrabyň jemgyýetçilik guramalarynyň hem-de etrabyň sport we ýaşlar syýasaty bölüminiň bilelikde guramagynda geçirilen çäre «Sagdyn durmuş ýörelgelerine uýup maşk edeliň, bedenimiz taplansyn!» diýlip atlandyryldy. Bilim işgärleriniň, türgenleriň we jemgyýetçilik guramalarynyň işeňňir agzalarynyň gatnaşmagynda geçirilen sport-sagaldyş çäresi beden maşklarynyň ýerine ýetirilmegi bilen başlandy. Oňa ildeşlerimiziň hyjuwly gatnaşmagy sagdyn durmuş ýörelgelerine berk eýerýändiklerini alamatlandyrdy. Soňra çärä gatnaşyjylar türgenleşik zallarynda bolup, döwrebap enjamlaryň giň mümkinçiliklerinden peýdalandylar, işjeň türgenleşik geçdiler.

20 Aprel 2021

Sport

Ýaryş güýçlüleri saýlady

«Türkmenistan — parahatçylygyň we ynanyşmagyň Watany» ýyly mynasybetli Tejen şäheriniň sport mekdebinde ýaryş geçirildi. Hormatly Prezidentimiziň köpçülikleýin bedenterbiýäni we sport-sagaldyş hereketini ösdürmek, ildeşlerimizi sporta çekmek ugrundaky tagallalaryndan ugur alyp geçirilen ýaryşa şäheriň sport we medeniýet ulgamynda zähmet çekýän ýaşlardan düzülen toparlar gatnaşdy. Şäheriň sport we ýaşlar syýasaty bölümi tarapyndan stoluň üstünde oýnalýan tennis, ýeňil atletikanyň görnüşleri boýunça guralan ýaryşda ýaşlar özaralarynda gyzykly bäsleşikleri alyp bardylar. Uly gyzyklanma eýe bolan ýaryşda toparlaryň her biri ýeňiş gazanmak ugrunda ukyp-başarnygyny, erjelligini görkezdi.

20 Aprel 2021

Sport

Dem alyş ulgamynyň kesellerinde peýdaly maşklar

Gan we limfa aýlanyşygyny işjeňleşdirýän bejeriş-bedenterbiýe maşklar toplumy adamda kadaly dem alşy ýola goýup, dürli gaýra üzülmeleriň öňüni alýar, bedeni fiziki agram salmalara taýýarlaýar, nerw-psihiki hem-de umumy ýagdaýyny gowulandyrýar. Bu bejeriş-bedenterbiýe maşklar toplumy: • kesellerden soňky dikeldiş döwründe, has-da dem alyş ulgamynyň kesellerinde;• öň işjeňligi peselen alweollaryň, öýkeniň, bronhlaryň dokumalarynyň gan we limfa aýlanyşygynyň gowulanmagyna;• dem alyş hereketine gatnaşýan myşsalar toparynyň işjeňleşmegine;• dem alyş ulgamy bilen bagly gaýra üzülmeleriň öňüni almakda has-da peýdalydyr.

19 Aprel 2021

Sport

Atçylyk sporty we saglyk

Ýurdumyzyň ähli künjeklerinde atly gezelençleri gurnamak üçin taryhy ýadygärlikler, özboluşly ajaýyp türkmen tebigaty, aýratyn-da, köpsanly gamyşgulak bedewlerimiz bardyr. Sportuň bir görnüşi hökmünde ykrar edilen at münmek boýunça bäsleşikler yzygiderli geçirilýär. Milli mirasymyzyň meşhur lukmany Abu Aly ibn Sina at münmegiň tutuş bedeni işjeňleşdirýändigi barada belläp geçipdir. Alym Selsiý bolsa, aşgazan-içege ýollarynyň kesellerini at münmek arkaly bejermegi maslahat beripdir. ХХI asyrda alymlar ýokary derejede duş gelýän emosional dartgynlyklary we stres ýagdaýlary at münmek bilen aýryp bolýandygyny subut etdiler. Atçylyk sportunyň saglyk üçin peýdaly taraplary:

19 Aprel 2021

Sport

Çekeleşikli ýaryşlar

Bäherden etrabynyň sport we ýaşlar syýasaty bölümi tarapyndan etrabyň türgenleriniň arasynda sportuň dürli görnüşleri boýunça ýaryşlar yzygiderli geçirilýär. «Türkmenistan — parahatçylygyň we ynanyşmagyň Watany» ýyly mynasybetli ýakynda etrabyň sport mekdebinde geçirilen ýaryşlar hem muňa şaýatlyk edýär. Türkmenistanyň Kärdeşler arkalaşyklarynyň etrap birleşmesi bilen bilelikde guralan ýaryşa ýaş türgenlerden ybarat bolan toparlaryň birnäçesi gatnaşdy. Ýeňil atletika ýaryşyna «Berkarar», «Bagtyýarlyk», «Gala» toparlary has-da işjeň gatnaşdylar. Uly gyzyklanma döreden ýaryşyň netijesinde «Bagtyýarlyk» topary üstün çykdy. Toparyň üstünliginde Ýusup Sapardurdyýewiň, Nurgeldi Nurgeldiýewiň goşandy uly boldy.

18 Aprel 2021

Sport

Sagdynlyk bagtyýarlykdyr

Hormatly Prezidentimiziň parasatly baştutanlygynda Türkmenistan sagdynlygyň we bagtyýarlygyň ýurdy hökmünde ykrar edilýär. Munuň şeýledigini ýurdumyzda giňden ýaýbaňlandyrylýan sagdyn durmuş ýörelgesi, bedenterbiýäni we sporty ösdürmek boýunça alnyp barylýan netijeli işler, türgenlerimiziň iri halkara sport ýaryşlarynda gazanýan üstünlikleri doly şaýatlyk edýär. Ynsan saglygyny ýurduň baýlygyna deňeýän milli Liderimiziň bimöçber aladasy bilen saglygy goraýyş ulgamynda durmuşa geçirilýän tutumly maksatlar berk bedenli nesilleriň kemala gelmegini, raýatlaryň sagdyn durmuşda ýaşamagyny üpjün etmäge gönükdirilýär. Milli Liderimiziň adam hakdaky aladalaryndan gözbaş alýan beýik başlangyçlary ýurdumyzda sport ulgamynyň yzygiderli ösdürilmegine, onuň maddy-enjamlaýyn binýadynyň berkidilmegine, halkymyzyň arasynda sagdyn durmuş ýörelgesiniň barha giňden ornaşmagyna itergi berýär. «Döwlet adam üçindir!» diýýän hormatly Prezidentimiz raýatlarymyzyň dünýä ülňülerine laýyklykda dynç almagyny, saglygyny berkitmegini ileri tutulýan ugurlaryň biri hökmünde aýratyn üns berýär. Munuň özi Türkmenistanda sagdyn durmuş ýörelgeleriniň giňden rowaçlanmagynyň esasy sebäbi bolup durýar.

15 Aprel 2021

Sport

Sport — rowaçlygyň sakasy

Ýurdumyzda sagdyn durmuş ýörelgeleriniň durmuşa ornaşdyrylmagyna hem-de türkmen sportunyň abraýynyň has-da belende göterilmegine aýratyn ähmiýet berilýär. Şu ýörelgelerden ugur alnyp, ýurdumyzda sportuň berk binýatly ösen ulgamy döredilýär we dünýä derejesinde kämilleşdirilýär. Ýurdumyzda her bir adamyň bedenterbiýe we sportuň dürli görnüşleri bilen meşgullanmaklary üçin döwrebap sport toplumlary we sport mekdepleri gurlup ulanylmaga berilýär. Bu günki gün milli Liderimiziň nusgalyk göreldesine eýerýän watandaşlarymyz bedenterbiýe we sport bilen meşgullanmaga işjeň gatnaşýarlar. Sport ulgamynyň uly depginler bilen ösüşi, türgenlerimiziň halkara ýaryşlarynda görkezýän netijeleri sportuň görnüşleriniň köpçülikleýin häsiýete eýe bolýandygyny tassyklaýar. Bu alnyp barylýan beýik işler bolsa eziz Watanymyzyň sport äleminde abraýyny barha belende galdyrýar.

15 Aprel 2021

Sport

Etrap birinjiligi

Ýakynda Bäherden etrabynyň sport mekdebinde sportuň stoluň üstünde oýnalýan tennis hem-de ýeňil atletika görnüşleri boýunça etrabyň birinjiligi geçirildi. Türkmenistanyň Magtymguly adyndaky Ýaşlar guramasynyň etrap Geňeşi bilen etrabyň sport mekdebiniň bilelikde guramagynda geçirilen «Türkmenistan — ruhubelentligiň we sagdynlygyň ýurdy» atly ýaryşa ýaş türgenler gatnaşdy. Ýaş oglan-gyzlaryň sportda barha kämillige ýetmegi babatynda örän ähmiýetli bolan bu ýaryş uly gyzyklanma döretdi. Ýaş türgenlere sportuň degişli görnüşleri boýunça ukyp-başarnygyny, erjelligini görkezmäge giň mümkinçilikler üpjün edildi. Bu bolsa, ýaryşyň guramaçylykly geçmeginde ähmiýetli boldy.

15 Aprel 2021

Sport

Sagdyn durmuşyň ygtybarly ýörelgesi

Mähriban Arkadagymyzyň taýsyz tagallasy bilen halkymyzyň saglygy we abadançylygy baradaky alada mukaddes Garaşsyzlygynyň 30 ýyllyk we gözel paýtagtymyz Aşgabadyň esaslandyrylmagynyň 140 ýyllyk şanly toýlaryna barýan Türkmenistanyň döwlet syýasatynyň möhüm ugurlarynyň biridir. Hormatly Prezidentimiz Berkarar döwletimiziň bagtyýarlyk döwründe ilatyň saglyk ýagdaýyny has-da gowulandyrmak we abadançylygyny ýokarlandyrmak, adam ömrüniň dowamlylygyny artdyrmak, raýatlar üçin saglygy goramak babatda hemmetaraplaýyn deň mümkinçilikleri we şertleri üpjün etmek, saglygy goraýşy halkara ölçeglere laýyklykda ösdürmek hem-de innowasion tehnologiýalara, öňdebaryjy lukmançylyk ylmyna we tejribesine esaslanýan kämil we ýokary netijeli saglygy goraýyş ulgamyny döretmek maksady bilen, Karara gol çekdi. Resminama laýyklykda, Türkmenistanyň Prezidentiniň «Saglyk» Döwlet maksatnamasynyň rejelenen görnüşi we ony amala aşyrmak boýunça ýerine ýetirilmeli çäreleriň 2021—2025-nji ýyllar üçin meýilnamasy tassyklanyldy.

14 Aprel 2021

Sport

Kuwwatly döwletiň mizemez binýady

Durmuş hakykatyndan we uzak ýyllaryň tälim-tejribesinden göz ýetirişimiz ýaly, kuwwatly döwletiň mizemez binýady ilatyň sagdyn ýaşaýşyna daýanýar. Saglyga sport bilen, bagtyýar ýaşaýşa bolsa saglyk bilen ýetilýär. Gözbaşyny asyrlaryň jümmüşinden alyp gaýdýan bu ajaýyp sazlaşyk Berkarar döwletiň bagtyýarlyk döwründe hem mynasyp dowam etdirilýär. Gahryman Arkadagymyzyň parasatly baştutanlygy bilen ýurdumyzyň baş baýlygy bolan il saglygy, ýaş nesliň bagtyýar, asuda ýaşaýşy hakynda ýadawsyz alada edilip, häzirkizaman dünýäsiniň talaplaryna laýyklykda, köpçülikleýin bedenterbiýäni, olimpiýa hereketini, sport medeniýetini ösdürmäge aýratyn ähmiýet berilýär. Hut şonuň netijesinde jemgyýetimizde sagdyn durmuş ýörelgelerini, parahatçylygy we dostlukly gatnaşyklary rowaçlandyrmakda, bedenterbiýäni we sporty ösdürmekde baý tejribe toplanyldy. Köptaraplaýyn we durnukly ösüşlerimiz eziz Watanymyzy halkara sport hyzmatdaşlygynyň öňdebaryjy ýurtlarynyň, şol sanda örän iri sport ýaryşlaryny ýokary derejede geçirmäge ukyply döwletleriň hataryna ynamly goşmaga täze mümkinçilikleri açdy.

14 Aprel 2021

Sport

Geljegi umytly türgenler

Hormatly Prezidentimiz ýaşlaryň döwrebap derejede türgenleşip, sportda has-da taplanmagy, kämilleşmegi we ýokary sepgitleri eýelemegi ugrunda giň mümkinçilikleri döredýär. Gökdepe etrabynyň çäginde döwrebap sport mekdepleriniň birnäçesi hereket edýär. Şeýle mekdepleriň biri-de Gökdepe şäherindäki sport mekdebidir. Bu sport mekdebe ýaşlaryň ýüzlerçesi gatnaýar. Tälimçi-mugallymlaryň 16-sy 37 toparda ýaşlar bilen sportuň 8 görnüşi boýunça türgenleşik sapaklaryny geçýär. Sagdyn durmuş ýörelgelerine berk eýerýän ýaşlaryň arasynda sportuň basketbol görnüşine höwes edýänler hem az däl. Bu ýerde sportuň agzalan görnüşi boýunça türgenleşik sapaklarynyň ýola goýulmagy bilen ýaş türgenleriň uly topary oňa uly hyjuw we höweslenme bilen ýazyldylar.

13 Aprel 2021

Sport

Türk­me­nis­tan — Sagdynlygyň ýur­dy

Hor­mat­ly Pre­zi­den­ti­mi­ziň pa­ra­sat­ly ýol­baş­çy­ly­gyn­da ýur­du­myz ösü­şi­ň tä­ze, röw­şen ýo­lu­na ga­dam goý­dy. Hal­kyň ýa­şa­ýyş-dur­muş de­re­je­si­ni düýp­li ýo­kar­lan­dyr­mak, sag­ly­gy­ny go­ra­mak, öm­rü­niň do­wam­ly­ly­gy­ny uzalt­mak ama­la aşy­ryl­ýan iş­le­riň düýp öze­ni­ni düz­ýär. Şeý­le be­lent mak­sat­la­ra ýet­mek üçin bol­sa ýur­du­myz­da ýo­ka­ry ne­ti­je­li sport we köp­çü­lik­le­ýin be­den­ter­bi­ýe he­re­ke­ti giň­den ös­dü­ril­ýär. Gah­ry­man Ar­ka­da­gy­myz sport bi­len meş­gul­lan­mak­da, sag­dyn dur­muş ýö­rel­ge­si­ne eýer­mek­de nus­ga­lyk gö­rel­de gör­kez­ýär. Ýur­du­myz­da ömür­le­re ömür go­şup, ýaşaý­şy gö­zel­li­ge bes­le­ýän sag­dyn­lyk he­re­ke­ti­ne eýer­ýän­le­riň sa­ny­nyň ýyl-ýyl­dan art­ma­gy, sport bi­len meş­gul­lan­ýan­la­ryň ara­syn­da ýaş­la­ryň ag­dyk­lyk et­me­gi aý­ra­tyn gu­wan­dy­ry­jy ýag­daý­dyr. Sport — sag­lyk, sport — ru­hu­be­lent­lik, sport — aba­dan ýa­şa­ýyş. Yn­sa­nyň be­den we ru­hy taý­dan sag­dyn­ly­gy­ny ga­zan­mak üçin mil­li Li­de­ri­mi­ziň baş­tu­tan­ly­gyn­da uly möç­ber­li mak­sat­na­ma­lar üs­tün­lik­li dur­mu­şa ge­çi­ril­ýär. Ber­ka­rar döw­le­tiň bag­ty­ýar­lyk döw­rün­de ýur­du­my­zyň şä­her­le­rin­de, şä­her­çe­le­rin­de we oba­la­ryn­da sport mek­dep­le­ri­niň­dir des­ga­la­ry­nyň köpsan­ly­sy gu­rul­dy. Hor­mat­ly Pre­zi­den­ti­mi­ziň yg­lan eden Oba mil­li mak­sat­na­ma­sy­nyň çä­gin­d

12 Aprel 2021

Sport

Ta­ny­mal tür­gen­ — Ma­rat Ny­ýa­zow

Şu ýy­lyň 10-njy mar­tyn­da sport muş­dak­la­ry­nyň gö­wün­le­ri­ni gal­kyn­dy­ryp, türk­men spor­tu­nyň ab­ra­ýy­ny bir gez be­len­de gö­te­ren ta­ry­hy wa­ka bo­lup geç­di. Hor­mat­ly Pre­zi­den­ti­miz Aş­ga­ba­dyň Olim­pi­ýa şä­her­çe­sin­de 2018-nji ýy­lyň no­ýabr aýyn­da Agyr at­le­ti­ka bo­ýun­ça ge­çen dün­ýä çem­pio­na­tyn­da ýe­ňi­ji bo­lan türk­men tür­ge­ni Ýul­duz Ju­ma­ba­ýe­wa my­na­syp bo­lan al­tyn me­dal­la­ry­nyň iki­si­ni da­ba­ra­ly ýag­daý­da gow­şur­dy. Gah­ry­man Ar­ka­da­gy­myz da­ba­ra­da eden çy­ky­şyn­da sport äle­min­de uly üs­tün­lik­le­ri ga­za­nan meş­hur türk­men tür­gen­le­ri­niň ha­ta­ryn­da Ma­rat Ny­ýa­zo­wyň ady­ny hem buý­sanç bi­len ag­za­dy. Bi­ziň aşak­da­ky ýaz­gy­la­ry­myz hem sport äle­min­de öçmejek yz go­ýan, 1960-njy ýyl­da Rim­de ge­çi­ri­len to­mus­ky Olim­pi­ýa oýun­la­ry­nyň kü­müş me­da­ly­na eýe bo­lan, ny­şa­na ok at­mak­da köp ge­zek dün­ýä­niň we Ýew­ropa­nyň çem­pio­ny we re­kord­çy­sy meş­hur türk­men mer­ge­ni­ne ba­gyş­lan­ýar. Ma­rat Ny­ýa­zow 1933-nji ýy­lyň 28-nji sent­ýab­ryn­da Aş­ga­bat şä­he­rin­de dün­ýä in­ýär. Ol Mosk­wa­nyň I.Gub­kin adyn­da­ky Ne­bit we gaz ins­ti­tu­ty­nyň ta­ly­by döw­rün­de spor­tuň ny­şa­na ok at­mak gör­nü­şi bi­len çyn­la­kaý meş­gul­la­nyp ug­ra­ýar. Ol tu­tan­ýer­li­li­gi, mak­sa­da ok­gun­ly­ly­gy, te­bi­gy ze­hin­li­li­gi bi­len ta­pa­wut­la­nyp­dyr. Onuň ny­şa­na ok at­mak­da haý

12 Aprel 2021

Sport

Maşk edeliň, ruhubelent bolalyň!

Ýurdumyzda ýaş nesliň sagdyn durmuş ýörelgelerine eýerip, zyýanly endiklerden daşda durmaklaryny, boş wagtlaryny peýdaly geçirmeklerini gazanmak üçin tutumly işler alnyp barylýar. Sagdyn iýmitlenmek, ýörite beden maşklaryny ýerine ýetirmek, wagtly-wagtynda ukyňy almak bularyň ählisi sagdyn durmuşa eýermekdir. Sagdyn durmuş ýörelgesine eýermekde hormatly Prezidentimiziň hut özi bize nusgalykdyr. Sport we bedenterbiýe bilen meşgullanylanda onuň kadalaryny bilmek we berjaý etmek sagdyn bedeni terbiýelemegiň esasy şertleriniň biri bolup durýar. Bu barada Türkmenabat şäheriniň 2-nji sport mekdebiniň lukmany Narsoltan Tursunbaýewa şeýle gürrüň berýär.

12 Aprel 2021

Sport

Sportuň täsin görnüşleri

Jaý-alaý — sportuň bu görnüşi dünýäde iň tizlikli oýun hökmünde Ginnesiň rekordlar kitabyna girizildi. Onda oýunçy susaga meňzeş ýörite elligi geýip, pökgini diwara zyňýar. Bäsdeşi bolsa şol topy gapyp, ýene-de diwara zyňýar. Jaý-alaý üçin niýetlenilen pökgi örän gaty görnüşli bolup, ol sagatda 300 kilometre çenli tizlikde hereket edýär. Oýnuň dowamynda pökgini araçäkden çykarmaly däl, ýere-de gaçyrmaly däl. Oýunçylaryň aýtmaklaryna görä, pökginiň tiz ýyrtylýandygy sebäpli ony her 15 minutdan çalşyp durmaly bolýar. Suw astyndaky hokkeý — dünýäniň dürli ýurtlarynda, ýagny, Ýaponiýada, Belgiýada, Fransiýada, ABŞ-da hem-de Gollandiýada köp oýnalýan oýunlaryň biri. Her topardan alty türgeniň gatnaşmagynda suwdan doly howuzlarda pökgi sürülýän kelteräk, ujy egri (klýuşka) gural bilen oýnalýar. Şeýle ýagdaýda-da türgenler derwezä şaýba urmagyň hötdesinden gelýärler.

12 Aprel 2021

Sport

Gadymy oýnuň meşhurlygy artýar

Tennis meşhurlygy boýunça dünýäde futbol bilen basketboldan soňra üçünji orunda durup, onuň bilen 90 milliona golaý adam meşgullanýar. Ýurdumyzda-da bu görnüş soňky ýyllarda uly meşhurlyga eýe boldy. Paýtagtymyzda, şol sanda ähli welaýatlarda-da köpsanly tennis meýdançalary döredilip, ulanylmaga berildi. Welaýatymyzda Türkmenabat şäherindäki 6-njy, 9-njy hem-de Dänew, Köýtendag, Döwletli etraplaryndaky sport mekdeplerinde tennis bilen meşgullanýarlar. Olarda 9 tälimçi bu ugurdan 25 toparda türgenleşik geçýär. Sportuň bu görnüşi bilen meşgullanýan oglanlaryň we gyzlaryň sany bolsa 300-den geçýär. Olar dürli ýaryşlara gatnaşyp, baýrakly orunlara mynasyp bolýarlar. Bu sportuň şu güni we geljegi barada Türkmenabat şäherindäki 9-njy sport mekdebiniň birinji derejeli tälimçisi, Türkmenistanyň üç gezek çempiony Babamyrat Mamatrasulow bilen söhbetdeş bolduk: — Babamyrat aga ilki tennisiň taryhy bilen içgin tanyşdyraýsaňyz?

12 Aprel 2021

Sport

Sport syýasatynyň gadamlary

Üstünlige ýetilýär Arkadag Prezidentimiz ilatyň saglygyny goramakda we berkitmekde bedenterbiýe we sporty ösdürmegiň möhüm ähmiýetine uly üns berýär. Sebäbi, sport sagdynlygyň we ruhubelentligiň gözbaşy bolup durýar. Şonuň üçinem milli Liderimiz ilaty, öňi bilenem, ýaşlary sporta köpçülikleýin çekmek bilen bähbitli tagalla badalga berdi. Ajap eýýamymyzyň ýyllarynda sporty ösdürmekde ýetilen sepgitler, gazanylýan ýeňişler milli Liderimiziň öňe süren türkmen sportuny ösdürmegiň syýasatynyň gadamlarynyň batlanýandygyny äşgär edýär. Şol bir wagtda bu syýasatyň rowaçlanmagynyň ilatyň saglygyny goramakda, sagdyn durmuşyň dabaralanmagynda aýgytly ädimdigini bellemelidiris.

12 Aprel 2021

Sport

Woleýbol ýaryşy geçirildi

Sarahs etrabynyň sport mekdebinde woleýbol boýunça ýaryş geçirildi. Etrabyň sport we ýaşlar syýasaty bölüminiň, Türkmenistanyň Agrar partiýasynyň etrap komitetiniň, Türkmenistanyň Magtymguly adyndaky Ýaşlar guramasynyň etrap Geňeşiniň we Türkmenistanyň Gyzyl Ýarymaý Milli jemgyýetiniň etrap bölüminiň bilelikde guramagynda geçirilen ýaryşa ýaş türgenlerden düzülen toparlaryň birnäçesi gatnaşdy. Ýaryş diýseň çekeleşikli häsiýete eýe boldy. Onda «Bathyz», «Ahal», «Berkarar» toparlarynyň arasyndaky duşuşyklar dartgynlylygy bilen tapawutlandy. Gyzykly geçen ýaryşda «Ahal» toparynyň woleýbolçylary garşydaşlaryndan üstün çykyp, baýrakly birinji ornuň eýesi boldy. Ýaryşyň 2-nji, 3-nji baýrakly orunlaryna degişlilikde «Bathyz» we «Berkarar» toparlary eýe boldy.

11 Aprel 2021

Sport

Ekoulag: saglyk bilen tükeniksiz lezzet

Ekologiýa hiç-hili zyýan ýetirmeýän iki tigirli ulagyň — welosipediň üstünde oturan ýeriňden ýetişibildigiňden onuň çarhlaryna bat berýärsiň. Tizligiň bolsa barha artyp barýar. Özüňi aýna ýaly tekiz ýoldan ýüzüp barýan mysaly duýýarsyň. Badyň gowşanok. Ümzügiň bolsa öňe, gollaryň berdaşlanyp, üznüksiz hereketlenýän aýaklaryň gujurlanyp, süňňüňe güýç-kuwwat inen ýaly has-da hyjuwlanýarsyň. Şol pursat özüňi ýelgamak deý ýeňil duýup, dem alyş ýollaryň giňäp, tükeniksiz lezzete berleniňi duýman galýarsyň. Şeýle başdan geçirmelere geçen hepdäniň çarşenbe güni, ýagny, Bütindünýä saglyk gününde hormatly Prezidentimiziň başlangyjy bilen geçirilen köpçülikleýin welosipedli ýörişe gatnaşanymyzda eýe bolduk. Yzygider meşgullanmasamam, şol günki welosipedli ýöriş göwnümi galkyndyryp, ruhumy belende göterip, döredijilik äleminde täzeçilliklere ataryp, durmuş ýodasynda ýaşaýşa bolan höwesimi artdyrdy. Bedenimiň berkemegine has-da itergi berdi. Megerem, bu ýöriş oňa gatnaşan beýleki ençeme ildeşlerimizde-de şeýle täsirleri galdyran bolsa gerek. Ömrüni sportuň welosipedli görnüşine baglanlar hakda-ha gürrüň ýok.

11 Aprel 2021

Sport

Lukmanlaryň bäsleşigi

Bütindünýä saglyk güni mynasybetli Türkmenabat şäherindäki 6-njy sport mekdebinde saglygy goraýyş işgärleriniň arasynda stoluň üstünde oýnalýan tennis boýunça ýaryş geçirildi. Ýaryşy welaýat saglygy goraýyş müdirligi hem-de saglygy goraýyş işgärleriniň kärdeşler arkalaşygynyň ilkinji guramalarynyň başlyklarynyň Türkmenabat şäher geňeşi bilelikde guradylar. Sportuň ähli görnüşleriniň ynsan saglygyna peýdasynyň uludygy hemmä mälim. Şol sanda stoluň üstünde oýnalýan tennis hem beden myşsalaryny herekete getirip, ýürek, dem alyş ýollarynyň işleýşini sazlaşdyrýar. Şeýle-de diňe bedeniň içki agzalarynyň işini kadalaşdyrman, eýsem, adamyň daş keşbini hem gözelleşdirýär. Sportuň bu görnüşi bilen meşgullanýanlar syrdam, görmegeý bolýarlar.

9 Aprel 2021

Sport