Şu günler ýurdumyzda dowam edýän «Ýol hereketiniň howpsuzlygy ― ömrümiziň rahatlygy» atly biraýlyk mynasybetli welaýat maliýe-ykdysady orta hünär okuw mekdebinde wagyz-nesihat duşuşygy guraldy. Türkmenistanyň Kärdeşler arkalaşyklarynyň welaýat birleşmesi tarapyndan guralan duşuşyga welaýat polisiýa müdirliginiň polisiýanyň ýol gözegçiligi bölüminiň, welaýat kazyýetiniň we gümrükhanasynyň işgärleri gatnaşdylar.
Duşuşygyň dowamynda edilen çykyşlar, esasan, ýol hereketiniň kadalarynyň bozulmagynyň öňüni almaga bagyşlandy. Munuň özi jemgyýetçilik edebiniň ilkinji şertleriniň biridir. Köçe-ýol hereketiniň kadalaryny talabalaýyk berjaý etmek bilen herekete ähli gatnaşyjylaryň howpsuzlygyny üpjün etmek her birimiziň jana-jan borjumyzdyr diýlip, edilen çykyşlarda aýdyldy.
