ABŞ-nyň uçar öndürýän «Joby Aviation» kompaniýasy Ýaponiýanyň «ANA» awiakompaniýasy bilen bilelikde Ýaponiýada uçýan taksileriň işini ýola goýmakçy bolýar. Ýolagçylary kompaniýanyň dört ýolagçy üçin niýetlenen elektrik uçary daşar. Uçaryň tizligi sagatda 320 kilometre ýetýär. Taslamanyň awtorlarynyň pikiriçe, Osokanyň Kansaý howa menzilinden demir ýol menziline çenli uçuş 15 minutdan köp bolmaz. Awtoulag bilen şol aralygy geçmek üçin bolsa bir sagat gerek bolar.
Geçen birža söwdalarynda «Joby Aviation» kompaniýasynyň paýnamalary 8,11% gymmatlap, ABŞ-nyň 5,55 dollaryna barabar boldy.