Nowruz — jümle-jahanyň jana gelip, täze keşbe, täze görke girýän pursady. Şonuň hormatyna-da bu baýramda täze eşik geýmek, bolmanda, bagjygyňy täzelemek — gadymdan gelýän däp. Ol gowulyga ýorulýar.
Bu gün döwletli halkymyz Nowruz baýramynda diňe bir öz donuny täzeläp, öz üst-başyna serenjam bermek bilen oňaýanok. Mertebeli millet, derejeli il bolup, tutuş ýurduna ýaşyl baglardan täze don, täze serpaý ýapýar!
