Tejen etrabynyň Dikeldiş merkeziniň kitaphanasynda Türkmenistanyň Demokratik partiýasynyň etrap komiteti, Türkmenistanyň Magtymguly adyndaky Ýaşlar guramasynyň etrap Geňeşi, Kärdeşler arkalaşyklarynyň etrap birleşmesi tarapyndan “tegelek stoluň” başyndaky söhbetdeşlik guraldy. “Pähim-paýhas ummany Magtymguly Pyragy” ýyly mynasybetli geçirilen söhbetdeşlikde hormatly Prezidentimiziň öňdengörüjilikli baştutanlygynda dünýä edebiýatynda öçmejek yz galdyran, şygryýet äleminiň ägirdi Magtymguly Pyragynyň baý edebi mirasyny içgin öwrenmekde, şahyryň umumadamzat bähbitli gymmatyny dünýä ýaýmakda we dabaralandyrmakda edilýän bimöçber tagallalar hakda gürrüň edildi.
Akyldar şahyr Magtymguly Pyragynyň eserleriniň ýaş nesilleri watançylyk, arassa ahlaklylyk ruhunda terbiýeläp ýetişdirmekde uly ähmiýetiniň bardygy dogrusynda aýratyn bellenip geçildi. Söhbetdeşlige gatnaşanlar beýik söz ussady Magtymguly Pyragynyň edebi mirasyny dünýä ýaýmak babatdaky tagallalary üçin Gahryman Arkadagymyzyň, Arkadagly Gahryman Serdarymyzyň adyna alkyşly sözlerini aýtdylar.
