Düýn Magtymguly adyndaky milli sazly drama teatrynda hem-de Türkmenistanyň Daşary işler ministrliginiň Halkara gatnaşyklary institutynda hormatly Prezidentimiziň «Änew — müňýyllyklardan gözbaş alýan medeniýet» atly täze kitabyň tanyşdyrylyş dabaralary geçirildi. Olarda bu kitabyň ähmiýeti dogrusynda täsirli çykyşlara orun berildi.
Magtymguly adyndaky milli sazly drama teatrynda geçirilen dabara medeniýet ulgamynyň dürli ugurlarynda zähmet çekýän hünärmenler, köpçülikleýin habar beriş serişdeleriniň wekilleri, talyp ýaşlar gatnaşdylar. Bu ýerde çykyş edenler täze kitabyň many-mazmuny, ondaky gymmatly maglumatlardyr rowaýatlar, kitabyň ýaş nesli terbiýelemekdäki ähmiýeti dogrusynda gürrüň berdiler. Bu babatda Türkmenistanyň Taryhy we medeni ýadygärlikleri goramak, öwrenmek hem-de rejelemek baradaky milli müdirliginiň başlygy, arhitektura ylymlarynyň doktory Muhammetdurdy Mämmedow şeýle diýýär:
