"Balkan" welaýat gazeti

Esaslandyryjysy: Balkan welaýatynyň häkimligi
Salgysy: Balkanabat şäheri, 145-nji ýaşaýyş jaý toplumy, 1
Telefon belgileri: 6-37-06, 6-07-92, 6-07-96
Email: balkan-gazeti@sanly.tm

Gazeti PDF görnüşinde ýükläp almak

Habarlar

Nygmata baý «Täze aý»

Türkmenistanyň Senagatçylar we telekeçiler partiýasynyň Mary welaýat komitetiniň başlygy Täzegül Jumadurdyýewa telekeçi zenanlary hoş habar bilen begendirmäge howlukdy. Aýal-gyzlaryň müňlerçesini özüne birleşdirýän «Täze aý» önümçilik birleşigine säher bilen baranda, ol ýerde eýýäm işler gyzyşypdy. Önümçilik birleşiginiň ilkinji zenanlar guramasynyň başlygy Enegül Akmyradowa ony, ilki bilen, süýji we konditer önümleri öndürilýän bölüme alyp bardy. Hormatly Prezidentimiziň ýurdumyzyň azyk bolçulygyny üpjün etmek maksady bilen, telekeçilere goldaw hökmünde 150 million amerikan dollaryny bölüp bermek hakynda taryhy Karara gol çekendigi baradaky hoş habar telekeçilerde çäksiz buýsanç duýgusyny döretdi. «Täze aý» diýlende, göz öňümizde azyk önümleriniň köpugurly görnüşi janlanýar. Azyk önümçiligi bilen meşgullanýan hususy kärhanalaryň birnäçesini özüne birleşdirýän bu önümçilik birleşigi diňe bir içerki bazarda däl, eýsem, daşarky bazarlarda hem giňden tanalýar. Süýjülik tortlaryndan başlap, konditer önümleriniň dürli görnüşlerini, süýt önümlerini, datly doňdurmalary, et we şöhlat önümlerini öndürýän, balykçylyk hem bagçylyk bilen meşgullanýan önümçilik birleşiginde yhlasly hünärmenleriň dört müňden gowragy zähmet çekýär.

22 Iýul 2022

Telekeçilik

Telekeçilik işiniň hukuk binýady

Hormatly Prezidentimiziň täze başlangyçlary bilen ykdysadyýetimiziň ähli ugurlaryny gurşap alýan taryhy özgertmeler üstünlikli amala aşyrylýar. Ykdysadyýetiň kadaly hereket etmeginiň döwletiň kuwwatynyň iň esasy we zerur şerti bolup durýandygy nukdaýnazaryndan, 2016-njy ýylda rejelenen görnüşde kabul edilen Esasy Kanunymyza jemgyýetiň ykdysady esaslaryny düzgünleşdirýän täze bir bölümiň girizilmegi möhüm ähmiýete eýe boldy. Çünki ýurduň ykdysady taýdan ösüş aýratynlygyny açyp görkezýän bazar ykdysadyýeti, hususy eýeçilik, zähmet, pul we beýleki düşünjeler Türkmenistanyň Konstitusiýasynyň düzgünleşdirýän esasy obýektleri hökmünde çykyş edýär. Türkmenistanyň Konstitusiýasynda eýeçiligiň eldegrilmesizdigi, döwletiň eýeçiligiň ähli görnüşiniň deň goragyny kepillendirýändigi we olaryň ösmegi üçin deň şertleri döredýändigi bellenilýär. Her bir adamyň telekeçilik we kanunda gadagan edilmedik gaýry ykdysady işi üçin öz ukyplaryny we emlägini erkin peýdalanmaga hukugynyň bardygy kesgitlenilýär.

21 Iýul 2022

Telekeçilik

Tymsallar

«7/24. tm», № 29 (112), 18.07. 2022 Saidmurod Dawlatow GDA-nyň giňişliginde giňden tanalýan biznes-trenerleriň biri. Onuň guraýan biznes sapaklaryna, ýazan kitaplaryna muşdaklaryň arasynda biziň watandaşlarymyzyň hem bardygyna ynanýarys. Çünki her bir adam üstünlige ýeten kişiler bilen gyzyklanan mahaly ilki bilen öz töweregindäki, ruhuna ýakyn adamlary saýlap alýan bolsa gerek. Täjigistanly millioner Saidmurod Dawlatow hem GDA-nyň çäginde meşhur bolşy ýaly, Merkezi Aziýada-da kitaplary okalýan we üstünliginiň syry öwrenilýän biznesmenleriň biri hasaplanýar. Şonuň üçin hem onuň kitaplarynda ulanan tymsallarynyň birnäçesini okyjylara hödürleýäris. Olary Magtymguly adyndaky TDU-nyň magistranty Gülälek Söýeşowa terjime edipdir. 

17 Iýul 2022

Telekeçilik

Kämil kanun — berk binýat

Telekeçilik işiniň kanunçylyk esaslary Berkarar döwletiň täze eýýamynyň Galkynyşy döwründe hormatly Prezidentimiziň alyp barýan döwlet syýasatynyň ileri tutulýan ugurlarynyň biri-de, ýurdumyzda hususy telekeçiligi ösdürmek, türkmen telekeçileriniň işini döwlet tarapyndan goldamak bolup durýar. Türkmenistanyň Konstitusiýasynda: «Döwlet telekeçiligi höweslendirýär we goldaýar, kiçi we orta işewürligiň ösmegine ýardam edýär» diýen kadanyň berkidilmegi, telekeçiligi goldamagyň, ösdürmegiň hukuk binýady bolup çykyş edýär. «Telekeçilik işi hakynda» Türkmenistanyň Kanunyna laýyklykda, telekeçilik, ýagny hususy iş başyny tutujylyk — munuň özi raýatlaryň peýda ýa-da girdeji almaga gönükdirilen, öz adyndan hem-de töwekgelçilik edip we emläk jogapkärçiligini öz üstüne alyp ýa-da ýuridik şahsyň — kärhananyň adyndan hem-de emläk jogapkärçiligini onuň öz üstüne alyp amala aşyrýan başlangyçly, özbaşdak, hususy kärhanaçylyk işidir.

14 Iýul 2022

Telekeçilik

Azyk bolçulygy — abadan ýaşaýşyň kepili

Gahryman Arkadagymyzyň başlangyjy bilen ýurdumyzyň obasenagat toplumynda gazanylýan ösüşler, düýpli özgertmeler Berkarar döwletiň täze eýýamynyň Galkynyşy döwründe Arkadagly Serdarymyz tarapyndan üstünlikli dowam etdirilýär. Hormatly Prezidentimiz döwletimiziň azyk howpsuzlygyny üpjün etmek, halkymyzyň azyk harytlaryna bolan isleglerini kanagatlandyrmak meselesini iň bir ileri tutulýan wezipe hökmünde kesgitledi. Şu ýylyň 4-nji iýunynda hormatly Prezidentimiz Ministrler Kabinetiniň we Döwlet howpsuzlyk geňeşiniň bilelikdäki mejlisinde eden çykyşynda ýurdumyzyň azyk howpsuzlygyny üpjün etmekde türkmen telekeçilerine uly ornuň degişlidigini belläp, azyk önümlerini öndürýän hususy taraplara, ylaýta-da, towuk ýumurtgasyny we etini öndürýän önüm öndürijilere goldaw hökmünde 150 million amerikan dollaryny bölüp bermek hakynda Karara gol çekdi. Döwlet Baştutanymyzyň bu möhüm resminamasy azyk önümçiligini alyp barýan telekeçileri täze zähmet ýeňişlerine ruhlandyrdy.

12 Iýul 2022

Telekeçilik

Keremli topragyň nygmaty

Şu günler ak bazarlarymyzdaky berekedi görseň, gözüň dokunýar. Tekjelerde rejelenip goýlan gök-bakja ekinleriniň, dürli miweleriň deňinden biparh geçip bolmaýar. Aýratyn-da, behişdi nygmat bolan türkmen gawunynyň hoşboý ysy çar ýana bark urýar. Onsoň, biýarasynda bala öwrülýän uçmahy gawunlaryň diňe keremli türkmen topragynda bitýändigi baradaky hakykat kalbyňda uly buýsanç duýgusyny döredýär. Gadymy Merwdäki Gäwürgaladan gawun tohumynyň tapylmagy eziz Diýarymyzyň diňe bir ak bugdaýyň däl, eýsem, behişdi gawunlaryň hem watanydygyny subut edýär. Onuň şan-şöhraty barada dünýäniň belli jahankeşdeleri, taryhçylary: «Men hiç ýerde şeýle datly tagam datmandym», «Merwiň kösükli ösümliklerine hem-de gawunlaryna taý geljek zat ýokdur» diýen ýaly gyzykly maglumatlary galdyrypdyrlar. Orta asyrlara degişli ýazuw ýadygärliklerinde-de Merwiň gawunlarynyň diýseň süýji bolandygy barada aýdylýar. Süýjäp, ýetjek derejesine ýetende sähelçe sese ýarylýan türkmen gawunynyň tarypy dünýä dolup, taryhyň gatlaryna siňipdir. Ol arap halyflarynyň, Rim, Hytaý imperatorlarynyň, hindi şalarynyň saçaklaryny bezäpdir. «Waharman», «göktorly», «gülaby», «sarygyz», «garrygyz», «emiri», «gürbek», «akmaral», «zamça», «hojapeş», «kyrkgünlük», «mazy»... daýhanlarymyzyň ösdürip ýetişdirýän gawunlarynyň görnüşlerini sanasaň, sogaby bar. Alymlar olaryň 400 töweregi görnüşiniň bardygyny aýdýarlar. Şeýle-de

12 Iýul 2022

Telekeçilik

Geljege ynamyň sarsmaz sütüni

Garaşsyz, hemişelik Bitarap ýurdumyz hormatly Prezidentimiziň baştutanlygynda hoşniýetli daşary syýasatyny üstünlikli durmuşa geçirýär. Bu syýasat köptaraplaýyn, toplumlaýyn hem-de ulgamlaýyn häsiýetdedir. Türkmenistanyň parahatçylyksöýüji daşary syýasy strategiýasy ýurdumyza özara bähbitli uzakmöhletleýin hyzmatdaşlygy ikitaraplaýyn we köptaraplaýyn görnüşde üstünlikli alyp barmaga mümkinçilik berýär. Şeýle hem dünýäniň döwletleri bilen diplomatik we söwda gatnaşyklaryny ýola goýmaga we olary berkitmäge hem-de ösdürmäge itergi berýär. Hut şuňa laýyklykda özygtyýarly, baky Berkarar Watanymyzda geljekki ösüşiň binýadyny berkitmek we halkyň ýaşaýyş derejesini gowulandyrmak ugrunda tutumly başlangyçlar öňe sürlüp, düýpli özgertmeler amala aşyrylýar. Şunuň netijesinde hem ata Watanymyz dünýä söwda-ykdysady ulgamyna netijeli goşulýar we daşary ýurt döwletleri bilen söwda-ykdysady aragatnaşyklary yzygiderli ösdürýär. Ýurdumyzda ykdysadyýetiň döwlete dahylly däl pudagyny — telekeçiligi ösdürmek, bu pudaga döwlet tarapyndan goldaw bermek, daşary ýurtlardan getirilýän harytlaryň ornuny tutýan önümleri öndürmek, ýurdumyzda öndürilýän önümleriň daşary ýurtlara iberilýän möçberini artdyrmak boýunça Döwlet maksatnamasyna laýyklykda tutumly işler alnyp barylýar.

6 Iýul 2022

Telekeçilik

Datly konditer önümleri

Ak bugdaý etrabynyň Öňaldy geňeşliginiň çäginde ýerleşýän, telekeçi Rahat Allaýarowa degişli bolan konditer önümlerini öndürýän kärhana ekologiýa taýdan arassa, bäsdeşlige ukyply önümleri bilen ilat arasynda uly meşhurlyga eýe bolýar. Kärhananyň önümçilik bölümlerinde oturdylan, Italiýa, Germaniýa ýaly ýurtlaryň öňdebaryjy önüm öndürijileriniň häzirki zaman tehnologiýalary bu ýerde öndürilýän önümleriň hil derejesiniň bildirilýän talaplara laýyk gelmegini we tagamynyň datly bolmagyny şertlendirýär. Şol kämil enjamlary ussatlyk bilen dolandyrmagyň hötdesinden gelýän hünärmenler işlerine aýratyn yhlasly çemeleşýärler. Bu bolsa, önümçilik işiniň sazlaşykly alnyp barylmagyna getirýär. Kärhanada zähmet çekýänleriň aglabasy ýaşlardyr. Olaryň çekýän agzybirlikli zähmeti bilen, kärhanada konditer önümleriniň dürli görnüşi öndürilýär. Ol ýerde önümçiligi alnyp barylýan gatlakly kökäniň görnüşi 10-a ýetýär. «Dabara», «Lezzet», «Arzuw», «Ýakymly» ady bilen ilata ýetirilýän konditer önümleri diňe bir düzümi boýunça däl, eýsem tagamy babatda hem tapawutlanýar. Kakao külkeli, karamel we şokolad huruşly gatlakly kökelere islegiň has uludygyny kärhananyň hünärmenleri aýdýarlar.

5 Iýul 2022

Telekeçilik

Telekeçileriň toý sowgady

Arkadagly Serdarymyzyň parasatly baştutanlygynda ýurdumyz ähli ugurlar boýunça uly ösüşleri gazanýar. Her bir günümiz toýdur baýramlara beslenýär. Ýakynda Medeniýet we sungat işgärleriniň hem-de Magtymguly Pyragynyň şygryýet güni mynasybetli geçirilen sungat baýramçylygyny — Medeniýet hepdeligini kabul eden Mary welaýatynda «Täze Aý» kärhanalar toparyna degişli ýene bir döwrebap kärhananyň ulanylmaga berilmegi tutuş ýurdumyzy gurşap alan toý-baýramlara özboluşly sowgat boldy.

4 Iýul 2022

Telekeçilik

Süýt önümleriniň berekedi

Ir säher bilen ýaňyja bişirilen süýdi içip, günüň dowamynda-da gatygyň, aýrandyr süzmäň ýetik bolsa, tomusda şondan gowy hörek gerek däl. Ilaty süýt we süýt önümleri bilen üpjün etmäge hususyýetçilerimiz, şol sanda öz işlerini ýurdumyzyň gündogar sebitinde alyp barýan hususyýetçiler hem ýakyndan gatnaşýarlar. Olar şu ýylyň birinji ýarymynda jemi 1000 tonna golaý süýt we süýt önümlerini taýýarlap, ildeşlerimize ýetirdiler. Bu asylly işe aýry-aýry hususyýetçileriň has uly goşant goşýandygyny nygtamak gerek. Dänewli telekeçi Begenç Oraznepesowyň ýolbaşçylygyndaky «Bereketli jaý» hususy kärhanasynyň maldarçylyk hojalygynda ýylyň alty aýynda tutuş welaýat boýunça taýýarlanan süýt we süýt önümleriniň bäşden birine golaýy taýýar edilip, alyjylara ugradyldy. Has takygy, bu ýerde ýylyň birinji ýarymynda 182 tonnadan gowrak süýt we süýt önümleri alyjylara ugradyldy. Çärjew etrabyndan telekeçi Berdimyrat Möwlamow bolsa ýylyň başyndan bäri taýýarlanan süýt we süýt önümleriniň mukdaryny 75 tonna ýetirdi.

2 Iýul 2022

Telekeçilik

Önümçiligiň gerimi giňeýär

Toý-baýrama beslenen şu günlerimizde Mary welaýatynyň Mary etrabynyň «Täze oba» daýhan birleşiginiň çäginde ýerleşýän «Datly şerbet» hususy kärhanasynyň birbada iki sany önümçilik düzüminiň dabaraly ýagdaýda açylyp ulanmaga berilmegi bagtyýar ildeşlerimiziň şatlygyny has-da artdyrdy. Konditer önümlerini we kartondan dürli görnüşli, dürli ölçegdäki gutulary öndürýän kärhanalaryň açylyş dabarasyna welaýat häkimliginiň jogapkär işgärleri, Türkmenistanyň Milli Geňeşiniň Mejlisiniň deputatlary, jemgyýetçilik guramalarynyň wekilleri, il sylagly ýaşulular gatnaşdylar.

1 Iýul 2022

Telekeçilik

Bol hasyl almakda netijeli usullar

Ýurdumyzda amala aşyrylýan oýlanyşykly ykdysady özgertmeleriň netijesinde telekeçilik milli ykdysadyýetiň öňdebaryjy ugruna öwrülýär. Döwlet tarapyndan döredilýän mümkinçiliklerden ruhlanýan hususyýetçiler obasenagat toplumynyň ösüşine-de mynasyp goşant goşup, azyk bolçulygyny üpjün etmekde ýokary netijeleri gazanýarlar. Oba hojalykçy telekeçiler uzak möhletleýin bölünip berlen ýer böleklerine ekerançylygyň döwrebap usullaryny, innowasion tehnologiýalary hem-de ylmyň gazananlaryny ornaşdyryp, ekologiýa taýdan arassa gök-bakja ekinlerini we miweleri ýetişdirýärler. Ahal welaýatynyň Kaka etrabynda ýerleşýän «Miwe» açyk görnüşli paýdarlar jemgyýeti oba hojalygynda iri hususy düzümleriň biridir. Paýdarlar jemgyýeti şu ýyl dag etegindäki bereketli toprakda ekilen miweli baglardan ilkinji hasyly ýygnamaga girişdi. 2019-njy ýylyň ýazynda paýdarlar jemgyýetine 1200 gektar ýer bölegi uzak möhletleýin esasda bölünip berildi. Bu ýerde badam, pisse, alma, armyt, hurma, garaly, şetdaly ýaly miweli baglar bilen birlikde, gök önümlerden käşir, sogan, ýeralma hem ýetişdirilýär. Jemgyýetiň düzümine «Gök bulut», «Hemsaýa», «Miweli atyz», «Datly miwe» hojalyk jemgyýetleri girýär. Olaryň her birine 300 gektar meýdan bölünip berlen.

1 Iýul 2022

Telekeçilik

Hususyýetçilige uly goldaw

Hormatly Prezidentimiz Serdar Berdimuhamedowyň tagallalary bilen ýurdumyzda kiçi we orta telekeçiligi ösdürmek ugrunda toplumlaýyn çäreler amala aşyrylýar. Telekeçiligi goldamak boýunça kabul edilen maksatnamalardyr kanunlar bu ugurda öňde goýlan wezipeleri üstünlikli çözmäge ýardam edýär. Şu ýylyň 4-nji iýunynda Türkmenistanyň Ministrler Kabinetiniň hem-de Döwlet howpsuzlyk geňeşiniň bilelikdäki giňişleýin mejlisinde döwlet Baştutanymyz ýurdumyzda azyk howpsuzlygyny üpjün etmegi, daşary ýurtlardan getirilýän harytlaryň möçberlerini azaltmagy, ýerli önümçilikleri ösdürmegi esasy wezipeleriň hatarynda kesgitledi. Hormatly Prezidentimiz ýurdumyzyň azyk howpsuzlygyny üpjün etmek maksady bilen, hususy işewürlere goldaw hökmünde 150 million amerikan dollaryny bölüp bermek barada karara gelendigini, şeýle hem zerur azyk harytlaryny satyn almak üçin Söwda we daşary ykdysady aragatnaşyklar ministrligine-de şonça möçberde pul serişdeleriniň bölünip berilýändigini aýdyp, degişli Karara gol çekmegi telekeçiligi goldamakda möhüm ädim boldy.

30 Iýun 2022

Telekeçilik

Kärhananyň islegli önümleri

Ösüşiň batly gadamlary bilen öňe barýan eziz Diýarymyzda senagaty, gurluşyk pudagyny, telekeçiligi ösdürmek boýunça alnyp barylýan işler özüniň oňyn netijelerini berýär. Şonuň netijesinde häzirki wagtda ýurdumyzyň ykdysadyýetiniň ähli ugurlaryny alyp göreniňde-de, onda öz hususyýetçilerimiziň öndürýän önümlerine köp duş gelmek bolýar. Hususyýetçiler döwlet tarapyndan döredilen ýeňilliklerden peýdalanyp, ýurdumyzyň ösüşlerine özleriniň önjeýli goşantlaryny goşup gelýärler. Olaryň öndürýän ähli önümleri halkymyz tarapyndan uly islegden peýdalanýar hem-de özüniň ýokary hilliligi, özüneçekijiligi, millilige ýugrulan görnüşleri bilen tapawutlanýar. Ýurdumyzda telekeçiligi we hususyýetçiligi ösdürmäge ýakyndan goldaw berilmegi netijesinde, olaryň öndürýän önümlerini içerki we daşarky bazarlara çykarmagyna ähli mümkinçilikleri bar. Bu ugurda welaýatymyzda hem birnäçe hususy kärhanalar hereket edip, olaryň biri-de Türkmenistanyň Senagatçylar we telekeçiler birleşmesiniň agzasy bolan «Hilal» hususy kärhanasydyr. Biz bu kärhananyň hünärmeni Umar Matýakubow bilen gürrüňdeş bolanymyzda, ol kärhananyň alyp barýan işleri dogrusynda söz açdy:

29 Iýun 2022

Telekeçilik

«Micro­soft»-yň «Ed­ge 103» brau­ze­ri­niň täze wer­si­ýasy

Ge­çen hep­dä­niň ba­şyn­da «Micro­soft» prog­ram­ma­nyň dur­nuk­ly­ly­gy­ny ýo­kar­lan­dyr­mak üçin, tä­ze aý­ra­tyn­lyk­la­ry we umu­my dü­ze­diş­le­ri girizilen «Ed­ge» brau­ze­ri­niň tä­ze dur­nuk­ly wer­si­ýa­sy­ny çy­kar­dy. «Ed­ge 103» tä­ze­den iş­le­nip dü­zü­len «Micro­soft De­fen­der SmartScre­en» ki­tap­ha­na­sy­na esas­lan­ýan has güýç­li web go­ra­gy­ny üp­jün ed­ýär. Şeý­le-de brau­ze­riň tä­ze wer­si­ýa­syn­da sal­gy se­ti­rin­dä­ki iş te­ma­la­ry­ny göz­le­mek üçin ban­ner dö­re­dil­di. Ban­ne­r ula­ny­jy­la­ra öz gu­ra­ma­la­ryn­da iş bi­len bag­la­ny­şyk­ly mag­lu­mat­la­ry has çalt tap­ma­ga ýardam berer. Mu­nuň üçin sal­gy se­ti­ri­niň ba­şyn­da de­giş­li ny­şa­ny iş­jeň­leş­dir­mek ýe­ter­lik­dir. Kom­pa­ni­ýa geljekde dün­ýä­ ilatynyň iş­jeň­ ulan­ýan «Micro­soft» prog­ram­ma­la­ry­ny we beý­le­ki hyz­mat­la­ry­ny gi­ňelt­me­gi me­ýil­leş­dir­ýär.

26 Iýun 2022

Telekeçilik

«Bat­ly ga­da­myň» — ga­da­my bat­ly

«Arkadagly zamananyň dörediji ýaşlary» atly döredijilik bäsleşigine Bal­kan we­la­ýa­ty­nyň Bal­ka­na­bat şä­he­rin­de ýer­leş­ýän «Bat­ly ga­dam» hu­su­sy kär­ha­na­sy­ Ýew­ro­pa döw­let­le­rin­den sa­tyn al­nan pag­ta sü­ýü­min­den ýüp­lük egir­ýän we bo­ýag­ly ýüp­lük­den jo­rap ör­ýän teh­no­lo­gi­ýa­la­ryň top­lu­my bi­len do­ly de­re­je­de en­jam­laş­dy­ry­lan­dyr. Dok­ma­çy­lyk bi­len meş­gul­lan­ýan bu hu­su­sy kär­ha­na da­şa­ry ýurt­lar­dan ge­ti­ril­ýän ha­ryt­la­ryň or­nu­ny tut­ýan önüm­le­ri ön­dür­me­gi we içer­ki sarp edi­ji­ler­den ar­tan möç­be­ri­ni da­şar­ky ba­za­ra eks­port müm­kin­çi­li­gi­ni art­dyr­ma­gy mak­sat edin­ýär. Şun­dan ugur alyp, ön­dü­ril­ýän önüm­ler dün­ýä­niň on­lar­ça ýurt­la­ry­na yzy­gi­der­li eks­port edil­ýär.

26 Iýun 2022

Telekeçilik

Hu­su­sy­ýet­çi­ler hö­wes­len­di­ril­ýär

Hor­mat­ly Pre­zi­den­ti­mi­ziň ýur­du­my­zyň azyk howp­suz­ly­gy­ny ber­kit­mekde te­le­ke­çi­le­re gol­daw ber­mek bi­len bag­ly çöz­güt­le­ri iş­jeň dur­mu­şa ge­çi­ril­ýär. Şu ýy­lyň 4-nji iýu­nyn­da ge­çi­ri­len Mi­nistr­ler Ka­bi­ne­ti­niň we Döw­let howp­suz­lyk ge­ňe­şi­niň bi­le­lik­dä­ki gi­ňiş­le­ýin mej­li­sin­de ýur­du­my­zyň oba­se­na­gat top­lu­my­ny mun­dan beý­läk-de ös­dür­mek, söw­da we hyz­mat­lar ul­ga­my­nyň işi­ni kä­mil­leş­dir­mek, te­le­ke­çi­li­gi hö­wes­len­dir­mek bo­ýun­ça mö­hüm we­zi­pe­ler ara al­nyp mas­la­hat­la­şyl­dy. Hor­mat­ly Pre­zi­den­ti­miz Ser­dar Berdimuhamedowyň bel­leý­şi ýa­ly, guş­çu­lyk oba ho­ja­ly­gy­nyň ok­gun­ly ös­ýän pu­dak­la­ry­nyň bi­ri­dir. Hä­zir­ki wagt­da ýur­du­myz­da guş eti we ýu­murt­ga, esa­san, Se­na­gat­çy­lar we te­le­ke­çi­ler bir­leş­me­si­niň ag­za­la­ry ta­ra­pyn­dan ön­dü­ril­ýär. Ola­ryň önüm­çi­li­gi­ni tap­gyr­la­ýyn art­dyr­mak mak­sa­dy bi­len, iým­lik bug­da­ýy, mek­ge­jö­we­ni we so­ýa­ny ös­dü­rip ýe­tiş­dir­mek üçin goş­ma­ça ýer bö­lek­le­ri bö­lü­nip be­ril­ýär. Ber­ka­rar döw­le­tiň tä­ze eý­ýa­my­nyň Gal­ky­ny­şy döw­rün­de Türk­me­nis­ta­nyň içer­ki ba­za­ryn­da ha­ryt bol­çu­ly­gy­ny üp­jün et­mek, ýur­du­my­zyň guş­çu­lyk pu­da­gyn­da iş alyp bar­ýan önüm ön­dü­ri­ji­le­re gol­daw ber­mek hem-de guş eti­niň we ýu­murt­ga­nyň ön­dü­ril­ýän möç­ber­le­ri­ni art­dyr­mak mak­sa

25 Iýun 2022

Telekeçilik

Gadymy nusgalar, döwrebap usullar

Ge­lin-gyz­la­ry­my­zyň çe­per el hü­nä­ri ba­ra­da gür­rüň edi­len­de, ge­çen ýyl gö­zel Awa­za­da ge­çi­ri­len Mer­ke­zi Azi­ýa ýurt­la­ry­nyň ze­nan­la­ry­nyň dia­lo­gy­na gat­na­şan da­şa­ry ýurt­ly ze­na­nyň ol ýer­de gu­ra­lan ama­ly-ha­şam sun­ga­ty­nyň ser­gi­si­ni syn­lap: «Türk­men ze­nan­la­ry­na ba­ha ber­jek bol­saň, ola­ryň el iş­le­ri­ni syn­laý­ma­ly» di­ýen söz­le­ri ýa­dy­ma düş­ýär. Ser­gi­ni, esa­san, «Mä­hir­li ze­nan» hu­su­sy kär­ha­na­sy­nyň önüm­le­ri be­zäp­di. Bi­ri-bi­rin­den owa­dan, dür­li na­gyş­ly kür­te­ler, ça­byt­lar, don­lar, ýa­pyn­ja­lar, ke­te­ni köý­nek­ler­dir gy­ňaç­lar älem­go­şar öwüş­gi­ni bi­len gö­züň ýa­gy­ny iýip bar­ýar­dy. Da­şa­ry ýurt­lar­dan ge­len myh­man­lar sün­nä­le­nip be­je­ri­len keş­de­le­ri öw­ran-öw­ran syn­lap, ola­ryň in­çe­den ne­pis­li­gi­ne, reňk­le­ri­niň öza­ra saz­la­şy­gy­na haý­ran gal­dy­lar. Bu buý­sanç­ly pur­sat «Hal­kyň Ar­ka­dag­ly za­ma­na­sy» ýy­lyn­da hor­mat­ly Pre­zi­den­ti­mi­ziň baş­tu­tan­ly­gyn­da mer­mer paý­tag­ty­myz­da ge­çi­ri­len Mer­ke­zi Azi­ýa döw­let­le­ri­niň we Rus­si­ýa­nyň ze­nan­la­ry­nyň dia­lo­gyn­da ýe­ne-de gaý­ta­lan­dy. Paý­tag­ty­my­zyň Söw­da-se­na­gat eda­ra­sy­nyň Ser­gi­ler za­lyn­da gu­ra­lan çe­per el iş­le­ri­niň ser­gi­sin­de «Mä­hir­li ze­na­nyň» aja­ýyp ly­bas­la­ry­na aý­ra­tyn orun be­ril­di. Bu ta­ry­hy wa­ka­nyň yzy­sü­re, ýag­ny 21—25-nji m

25 Iýun 2022

Telekeçilik

Döw­re­bap kär­ha­na­nyň giň müm­kin­çi­lik­le­ri

«Ma­ry de­ri-aýak­gap» açyk gör­nüş­li paý­dar­lar jem­gy­ýe­ti Türk­me­nis­ta­nyň Pre­zi­den­ti­niň 2020-nji ýy­lyň 2-nji okt­ýab­ryn­da­ky Ka­ra­ry bi­len Ma­ry­nyň öň­ki gön za­wo­dy­nyň bin­ýa­dyn­da dö­re­dil­di. Türk­me­nis­ta­nyň Dok­ma se­na­ga­ty mi­nistr­li­gi hem-de «Röw­şen» hu­su­sy kär­ha­na­sy «Ma­ry de­ri-aýak­gap» açyk gör­nüş­li paý­dar­lar jem­gy­ýe­ti­ni esas­lan­dy­ry­jy­lardyr. Jem­gy­ýe­ti­mi­ziň aýak­gap bö­lü­min­de «Röw­şen» hu­su­sy kär­ha­na­sy­nyň tej­ri­be­li hü­när­men­le­ri­niň ýa­kyn­dan gol­daw ber­me­gi bi­len, ýur­du­my­zyň or­ta mek­dep­le­ri­niň 1 — 11-nji synp­la­ryn­da oka­ýan okuw­çy­la­ra ni­ýet­le­ni­len aýak­gap­lar ön­dü­ri­lip baş­lan­dy. Te­bi­gy aý­ra­tyn­ly­gy bo­ýun­ça mal de­ri­le­ri­ni gaý­ta­dan iş­läp taý­ýar­la­ýan ýo­ka­ry hil­li gön­ler­den ön­dür­ýän dür­li gör­nüş­li aýak­gap­la­ry­myz yk­jam­ly­gy, ýe­ňil­di­gi, berk­li­gi, nyrh­la­ry­nyň el­ýe­ter­li­li­gi bi­len ta­pa­wut­lan­ýar we ilat ara­syn­da uly is­leg­den peý­da­lan­ýar.

23 Iýun 2022

Telekeçilik

Telekeçilige giň ýol

Hormatly Prezidentimiziň taýsyz tagallasy bilen halkymyzyň durmuş hal-ýagdaýyny, ýaşaýyş derejesini düýpli gowulandyrmak boýunça alnyp barylýan işler häzirki döwürde ykdysady ösüşiň esasy ýörelgesi bolup durýar. Ýokary ykdysady ösüşi gazanmak, ilatyň maddy hal-ýagdaýynyň derejesini düýpli ýokarlandyrmak hem-de ýurduň sebitleriniň gyradeň ösüşini gazanmaga gönükdirilen maksatnamalar üstünlikli durmuşa geçirilýär. Täze taryhy eýýamda telekeçilik ulgamy bazar ykdysadyýetiniň möhüm edarasy, ilatyň ýokary durmuş derejesiniň üpjün edilmeginiň wajyp şerti bolup durýar. Garaşsyz Türkmenistanyň dünýä ykdysady giňişligine üstünlikli goşulyşmagyny şertlendirýär.

22 Iýun 2022

Telekeçilik