Gezelenç täsirli boldy

Jemgyýet
6 Sentýabr 2024
61

Türkmenistanyň Magtymguly adyndaky Ýaşlar guramasynyň «Türkmennebit» döwlet konserniniň şahamçasynyň we Türkmenistanyň Magtymguly adyndaky Ýaşlar guramasynyň Balkanabat şäher geňeşiniň bilelikde guramaklarynda edara-kärhanalarda zähmet çekýän ýaşlar welaýat Taryhy we ülkäni öwreniş muzeýinde gezelençde boldular. Ýaşlar gezelençde merdana halkymyzyň milli medeniýetiniň we sungatynyň taryhy, gelip çykyşy, gadymy tapyndylar we eksponatlar bilen içgin tanyşdylar. Milli gymmatlyklarymyzy, däp-dessurlarymyzy, ýol-ýörelgelerimizi öwrenmekde, gorap saklamakda, olary ýaş nesliň arasynda wagyz-nesihat etmekde döredip berýän mümkinçilikleri üçin Gahryman Arkadagymyza, Arkadagly Gahryman Serdarymyza  alkyş aýtdylar.  

Mährijemal Nyýazdurdyýewa,
TMÝG-niň «Türkmennebit» döwlet konserniniň şahamçasynyň guramaçylyk bölüminiň sanly ulgam boýunça esasy hünärmeni.
Beýleki habarlar